مْــثَــقْــبَــةْ زٌخْرٌفَةٌ ........... جربيها و اعطيني رأيك

[zokhrofa]

السلام عليكن عزيزاتي

اليوم جربت لثاني مرة المثقبة بطريقة مختلفة والحمد لله خرجت تشهي





الوصفة بالتفصيل :


كيلو سميد نصف خشن + ملح + 3 ملعقة كبيرة سكر يخلط الناشف

+ 2 ملعقة كبيرة ماء الورد او الزهر

+ كاس كبير زبدة ذائبة مخلطة مع زيت تبسيها مليح و ياريت تخليها 15 دقيقة قبل ما تضيفي الماء

+ ماء ترش حتى تتشمخ

من بعد خلطي و كي تجمع حاولي تقطعيها باصابعك و هذا هو سر المقروط و المثقبة و الفطير انّك ما تعجنيش و انما تقطعي العجينة

من بعد حلي العجينة و شكليها بطوابع تاع السابليه راه تخرج اشكال جميلة

انا درت وردة و مقروطة و دائرة

طبعا الزيت تكون تسخن فوق النار

طريقة الطهي كي تسخن مليح الزيت نقسي عليها تماما باش كي تحطي الحبات ما تحمارش من الفوق و تبقى خضرة من الداخل

لي حابة طيبها بدون ما تقليها تقدر ايضا باش تكون صحية اكثر

لي حبت تزيد تعسلها تدير عسيلة و لي حبت تاكلها كيما راهي من الاحسن خاطش هي اصلا تجي حلوة شوية