السلام خواتاتي
اليوم حبيت نقدملكم طريقتي الخاصة في تحضير
السفيريات ولا المعقودة كيما يقولو خواتاتنا تاع الغرب الجزائري
المكونات :
بطاطا
بصل مفروم ناعم
معدنوس
بيض
ملح
فلفل اسود
كركم
زعيترة
فرينة
ماء
الطريقة :
اغسلي الباطاطا و خليها بقشورها و خليها تغلي في قدرة معمرة ماء
كي تغلي غير تخرجيها نقيها و هي هكذاك سخونة ردي بالك على يديك
غير تنقيها جيبي صحن كبييير و امرسيها بالفرشيطة و هي سخونة
من بعد خليها حتى تبرد تماااااما
جيبي لوينة ولا بسينة كيما تقولو
حطي الباطاطا زايد الملح زايد الفلف الاسود زايد الكركم زايد بصل مقطع رقيييييق زايد المعدنوس زايد حبة بيض زايد زعيترة زايد الفرينة و خلطي بيدك مليييييييح مليح
حطي المقلة فيها الزيت على النار و خليها تسخن كي تشوفي الزيت سخنت ملييييح نقسيلها تماما باش كي تحطي الحبة ماتحمارش تم تم بلا مايقيسها الطياب الداخل
و من بعد جيبي طاسة ماء و كل ما تجي ترفدي وحدة شمخي يدك و ديري الكرية و ابلاطيها بيديك و حطيها في المقلة اذا شفتيها نحلت معناها مازال ناقسها الفرينة زيديلها
و طبعا مع الوقت راح تتعودي على الكمية
انا مثلا درت خمس حبات بطاطا متوسطين كي زدت الفرينة درت خمسة مغارف كبار تاع فرينة و حبة وحدة بيض
( تقرير عن مشاركة سيئة )، و الموجودة أسفل كل مشاركة .
2017-03-11, 12:39
المعقودة .... السفيريات ... على طريفة زٌخْرٌفَةُ
العرض الشجري