كــــــومــبــييــر وصفة تستاهل التجربة تفضلي أختي وأسعدي أطفالك و ناسك

[أمنية غفران]

السلام عليكم و رحمة الله تعالى و بركاته

مرحبا و سهلا بأخواتي الكريمات و هادي في خاطركم كامل عضوات و زائرات


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;

السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;

حبيت اليوم نقدم ليكم وصفة تركية بطاطس الكومبيير عجبتني و قلت نحط لحبيباتي باش يفرحو أطفالهن و زيد تقدر تكون حيلة باش توكليهم الخضر بطريقة غير مباشرة من بعد ما تفوريهم



فكرة هاد الوصفة انه البطاطا تشوى مليح في الفرن بعد ما تلفيها في ورق الألمينيوم و ديري كمية البطاطا على حساب افراد عائلتك انا هنايا درت حبتين بطاطا كبار في الحجم بزاف و الحق كل حبة لشخصين الله يبارك لأنه راح تكون غنية بالمكونات الي نضيفوهم ليها و هنايا الحشو اختياري لك حبيبتي و كيما قلت فرصة باش تحطي الخضر للاطفال و حتى لناسك الي ما يكلوش الخضر

الطريقة

البطاطا تطهى في الفرن مدة من 45 دقيقة حتى لساعة على حسب حجم حبة البطاطا و هي سخونة لازم تخدميها تفتحي الحبة من الوسط بسكين من غير ما تقسميها و تبداي تنحي في البطاطا و تهرسيها و هي داخل الحبة من غير ما توسلي للقشرة و باش تفهمي أكثر شوفي في اليوتيب راهي ساهلة ماهلة و ضيفي الزيدة و اتني تخلطي و ضيفي جبن شيدار و خلطي رايح كل شي يذوب لكون البطاطا سخونة و ضيفي شوية ملح و من بعد ابداي تضيفي في المكونات الي حضرتيهم

ملاحظة

البطاطا المشوية من البداية حطيها في الطبق الي رايحة تقدميها فيه لعائلتك

الحشو الي درته كان من

طن
ماييز
بيض مغلي و مقطع رقيق و مخلط مع مايوناز خفيف منزلي و معدنوس
وزيتون اسود مقطع
و كاشير مقطع
كورنيشو مقطع رقيق
حرور مرقد و مقطع صغير
جبن مثلثات
جبن شيدار
كاتشاب منزلي
مايوناز خفيف منزلي
خلطة منسمة متكونة من ياوروت طبيعي و موطارد و كمون و فلفل اسود
مغرفتين زبدة

.................................................. ................

و تمتعي أنتي و عائلتك الكريمة بأحلى أكلة تأخذكي الي عالم الخيال


.................................................. .

تفضلن الصور توضح أكثر











































في أمان الله