الجزء الثالث من وصفات حراير واش طيبتي اليوم

[idron0]

دولمة خضر بسر خطير امنية غفران

كيما قلت ليكم درت دولمة خضر بسر خطير و روعة لحشوة الدولمة و الي هو مكان ماديري الروز دير الفريك ايه الفريك الي نطيبو بيه شربة الفريك حكمي قيس فنجان فريك و حطيه في الماء مدة قصيرة وقت ما تكوني توجدي في الخضر ديالك الي تعمريهم بالحشوة انا درت بطاطا و جريوات و قطعي حبة بصل رقيق نص للمرقة و نص للحشوة
انا درت مرقة بيضاء نقلي البصل مع شوية دجاج ادا متوفر ماشي شرط و نزيد قصبر حشيش و نمرق و نضيف الحمص هنايا ضفتو في الأخير لأنه عندي طايب

الحشو لحم مرحي مع نص بصلة مقطعة رقيق احسن من انك تبشريها هادا عن تجربة هههههه وضيفي السر بعد ما تكوني صفيتيه من الماء و اضيفي التوابل الي تحبي فلفل اكحل كمون و حبة بيض خلطي و احشي بيه الخضر و من بعد شمسي الخضر ديالك في زيت قليل هنايا باش تبقى الخضر شادة روحها مليح في الطياب

وهاد السر كي تكوني تاكلي في الدولمة تحسي وحد البنة رهيبة امممممممممم و كأنك راكي تاكلي غي في اللحم اما في الدار كي سقسيتهم عجبهم الحال قالو لي راهو بنين خير ملي تزيدي ليه الروز هاكة اللحم وحده خير يعني مافاقوش بالفريك ههههههههههه حتى قلت ليهم

واش نقول ربي يحفظك الأخت الكريمة الي نورتنا بهاد السر ربي يحفظها و يجازيها بكل خير

تفضلن الصور حبيباتي


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.