أرواحو أخواتي نحكيلكم شوية على البــــوزلـــوف

[أمنية غفران]

السلام عليكم و رحمة الله تعالى و بركاته

.................................................. ..

حبيباتي حبيت نكلمكم شوية على بوزلوف كثير من العائلة الجزائرية تحب البوزلوف سواء شطيطحة و لا في الكوشة و كثيرا ما تصادفنا انه يطول في الطياب حتى في الكوكوت حبيت نقول ليكم لازم تشوفو سن صاحب هاد البوزلوف الي هو الخروف او الكبش و هنايا تعرفوه من اسنانه حكمي البوزلوف واحسبي سنانو تبعي معايا ادا كانو 2 سنينات راهو خروف صغير و هاد البوزلوف يطيب تم تم و ادا كانو 4 سنينات تاني يطيب عادي بصح صاحب 6 سنينات راهو كبير و يطول شوية في الطياب ديري حسابك حطيه يطيب بكري في الكوكوت و اما البوزلوف صاحب 8 سنينات هادا راهو كبش شارف يعني كبير في السن و يطول بزاف بزاف في الطياب امالا حبيباتي ديرو حسابكم

......................

راني حطيت ليكم هاد النقطة علاخاطرش صراتلي ما نفعت لا لاكوكوت و لاهم يحزنون بوزلوف كان مفروض للفطور أجل للعشاء درته يطيب بلا ما نشوف سنانو حتى كي جيت نفتح الكوكوت و لقيته قريب ينقز منها ما طاب ماوالو تشوكيت خرجته و شفت سنانه 8 عاودت بلعت عليه و رجعته يطيب

و عاودت درت الفطور الحمد لله كان كاين شوي دجاج و بطاطا درت كباب ........... هنايا فكرت فيكم و قلت نوركم بيها باش ما يصرالكمش كيفي

و اي أخت عندها تعقيب أو اضافة تتفضل مشكورة







في أمان الله