واخييييييييييييييييييييرا لقيت وصفة السلق اللي تحمر الوجه

[sirine sindy]

السلام عليكم اولا نبدا نرحب بروحي عندكم هههه. انا جديدة معاكم وهاد المنتدى عجبني بزااااااف . هادي اول مشاركة ليا معاكم وان شاء الله اذا لقيتكم رحبتو بيا وبالطبق تاعي راح نزيدكم من واش عندي في راسي
ليوم جبتلكم طبق شطيطحة سلق. انا مانكذبش عليكم مانحبش السلق مللي كنت صغيرة. نشفا كي نجي من ليكول و ندخل للدار ونلقى سلق نبدا نعيط من الباب . مي الان وبعد اكتشافي لهادا الطبق وليت مانقدرش نستغنى عليه . و زااااكييييييي قرررررراف واقتصادي. يعني انا نهار نطيبو نضربو يومين واحنا ناكلو فيه و مانملوهش تلمو بنيييين

نبداو مع المقادير . لاصوص و كويرات السلق بالكمون
اولا لاصوص: للمرق : راح نوجدو صوص حمرا خاثرة كيما موالفين نديروها : بصلة كبيرة مقطعة بالموس قطع صغيرة موش مسكرفجة. ثوم مسكرفجة. طماطم حب . طماطم معلبة.كمون. فلفل اكحل . زنجبيل. عكري. زعيترة. راص الحانوت. رند. كركم. حمسيهم جيدا جدا هههههه و مرقي بخليط من ماء ساخن وماء اللي طاب فيه السلق.
بولات السلق: 2 ربطات سلق مقطعين مغليين ومعصورين ملييييييييح+ بول شوربة روز طايب+ كمية من لحم مرحي + معدنوس مقطع+ 2 بيض+ نفس توابل المرق ماعدا الزعيترة والرند طبعا وكثري الكمون ( 2 م ك) خلطيهم جيدا بيدك مدة 5د. شكليهم كويرات رمديهم في الفرينة ثم اقليهم . وكي تطيب المرق وتخثار اضيفيهم مع الحمص وخليهم على نار هادئة وطفي النار على 10د. وكي يطيب رشي عليه رشة كمون .
ملاحضة: تقدرو تضيفو للمرق قطع دجاج. انا هنا ماكانش عندي الجاج مادرتوش
ننصحكم تجربوه والله ماتندمو البنة راااااائع اللي يظوقو مايقولش قاع بللي سلق.
اسمحولي الصورة مش واضحة مليح علاخاطر صورتو في الليل والكاميرا تاع قرقودتي ماتصورش مليح.
راني نستنا تطبيقاتكم واستناوني في اطباق اخرى
ماقدرتش نحط الصور اللي تعرف تفيدني