حلفت وعطيت العاهد الخاين مايلقاني

[فاطمة شلف]

في محجز عيني قصيدة تقول
راني غريب وسط اهلي ووطاني
مظلوم تايه ماست راحة البال
مجروح متالم مهموم نعاني
تغير الحال وصديقي عليا مال
سمر باب القلب ونساني
وقفت معاه حتى عرقي سال
نكر جميلي وطبتي جفا وعداني
روحت لطبيب نعالج ضلعي نصل
قالي منين راك تشكي ياوليدي وتعاني
قتلو صاحبي طعني في غفلة بالسكين ورحل
قالي دواك الصبر وكل شئ فاني
ستعجب وقال الجرح عميق حتى ولوخصرت قاع المال
قتلو نصحني ولا اعطيني دواء لجراحي
قالي جرحك مع الايام تتقبل
قلت ننسى بلاك نطيب ثاني
وقعت ماسال ماقال كيف الحال
نتالم ساعات وساعات ماتنشف عياني
الحمد لله صافي وافي ماني محتال
نبات ونظلي ومانمد يدي لجراني
ياما شفت في الحياة عدة اهوال
عانيت قاصيت وعشت وحيد غريب براني
مانتبع صديقي ويقول راه طامع فالمال
ساع يفرج ربي يسقط الظالم ويموتو عدياني
دارت الدنيا وعطاني ربي وتبدل الحال
رجع صديقي ليا نادم حب يلقاني
بعدما وقفت على رجلي يرجع محال
هذا جزاء ليخون الصداقة وينساني
قلت مثل ماقال المثال
حلفت وعطيت العاهد الخاين مايلقاني

بقلم فاطمة شلف