هل نزوجه ام لا لصديقتي

[زبدة ذايبة]

خلوه !!!!!!!!!!!!!!!!!!

وش دخلكم فيه ؟؟؟؟؟؟؟؟

انت تتدخلي !!!!!!!!!!!!!!!!!! ويماك تتدخل !!!!!!!!!!!!!!!!!!!!!


راه مرتاح خليوه يعيش كيما يحب

وحابين تزوجوه !!!!!!!!!!!!!!!!!


شحال من مرة تجي تكتبي عليه

خافي ربي،،،،

انتي ويماك اللي مرضتوه تظال دبروا عليه فسدتولوا الراي

نهار كامل ونتوما تعيطوا عليه وتقلقوا فيه وتقارنو فيه بشباب آخرين

قتلتوا فيه الرجولة وخليتوه ماراه راجل ماراه امرأة

وكي كملتوا كلش

درتوا ضرك لفراشوا حابين تزوجوه وخايفين تزوجوه !!!!!!!!!!!!!!!!

انتوما همكم المال، حابين يخرج يخدم باش يجيب الدراهم

وهو زكارة فيكم ماحبش يخدم

كي شفتوا ماقدرش يجيب الدراهم بالخدمة

وليتوا تحوسوا على إمرأة تجيبلكم الدراهم وتعطيولها في المقابل إسم الزوجة ؟؟؟؟؟


ماتزيديش تعمري راسك بيه التهاي بروحك وبقرايتك ولابدارك ولا شيء ثاني عندك

وقولي ليماك كيفكيف ماتزيدش دخل روحها

عندها تدعيلوا ربي يهديه ويصلحوا

غير هذا ماكالاه تظال تعيط عليه وتبهدل فيه قدامكم

وماشي محال انتي عندك فيها المشاركة مرة على مرة

من كتابتك واضح أنك حاقراتيه ماعندو حتى قيمة عندكم

وليتي تخططي وحابة تنفذي حكاية انسجتيها ودايرة فيها لحسابات المادية أكثر من شيء ثاني !!!!!!!!!!!!!!!!!!

مارنيش قادرة نوصيك على خوك ، هذا خوك كي يدور الزمان مارح تلقاي حتى واحد يوقف معاك

والمال ماشي كلش في هذ الدنيا هو وسيلة للعيش فقط

دمرتوه وحطمتولوا حياتو على جال كمشة من المال يجيبها في جيبوا

كي كملتوا منو حبيتوا تحوسوا على بنت الناس تزوجوهالوا وتكون تدخل الدراهم وكيما يعجبكمش الحال تطلقوها منو كيما جبتوها

على خاطر بالنسبة ليك انت خوك جايح ومايصلح لا للخدمة ولا للزواج

وانت شاطرة وقافزة ولهلوبة تعرفي تخيريلوا المرأة اللي تناسبوا

تكون خدامة وعندها الدراهم من جيهة، ومن جيهة ثانية خفتوا تديه عليكم

وتولي ماراكم بالدراهم ماراكم بخوكم . مشكلتك راهي هنايا انتي


درتوه كي اللعبة بين يديكم وجيتي ندبروا عليك في خوك تدبيرة ماتخطر على بال حتى واحد

هذا خوك وش نعاود نهدرلك فيه. كي تكوني محروقة عليه حوسيلوا على زوجة صالحة تعاونوا في حياتوا

تعاونوا في دينه ماتفكروش في زوجة تخدم وتجيبلكم الدراهم ديري مليح في بالك مابقاش كيما بكري الراجل يدي للمرأة مالها

وش هذ الأنانية وحب المال والجشع حتى لأقرب الناس

اسمحيلي

ماشي هكذا كانوا رجالنا يترباو في الديار

بيوت المسلمين تخرج الرجال بمعنى الكلمة

وانتي ويماك هلكتوه بالكلام السيء ومرضتوه حتى عاد مسكين مايهش ماينش

كي مازالو بعقلوا راه مليح

إذا تخافوا ربي في خوكم تاع الصح أخطيه انتي ويماك يريح ويلقى راسوا من رجليه

ماتزيدوش عليه مرضتوه

عمرتيلي قلبي وراني شديت روحي بزاف من الشيء اللي كتبتيه

إن أصبت فمن الله وحده وإن أخطأت فمن نفسي ومن الشيطان

أتمنى من الإدارة ألا تحذف ردي على الأقل حتى تقرأه صاحبة المشكلة لعل وعسى أن تنتبه وأسرتها لأفعالهم