عمل الغرس او معجون التمر في البيت نتيجة ولا اروع من مطبخ حيوتة 🌴🌴🌴

[حياة نور الدين]

السلام عليكن

ليوم جبتلكم وصفة ترددت كثيرا في عملها لكن بعد ما تشجعت وجربتها خرجتلي تحففففة وهي عمل الغرس او التمر المعجون للمقروط والبراج

كان زوجي جابلي كمية كبيرة من التمر لكن نااشف وماشي معسل باش ينتكل لهدا خممت اني نعملوا معجون التمر والحمد الله توفقت
منطولش عليكم







ناخد التمر تاعنا وننزعولوا العلف ونختار المليح من المدود نفوروه تقريبا ساعة الا ربع ( وقت التفوار يعتمد على قساوة التمر والنار تاعك ) المهم بعد ما تفتحي الغطاء وتمسي التمر تلقايه طري جدااا

نطفي النار ونخلي الكسكاس فوق القدر وننزع الغطاء ونخليه 5 دقائق





ناخد hachoir تاعنا ونحط كمية من التمر ونرحوا راح نتحصل على معجون التمر او الغرس ولا ارووع
انا كملت كل الكمية وقسمتها في اكياس وخبيتها في المجمد وقت ما نحتاجها نخدم بها ان شاء الله