ماذا افعل

[زبدة ذايبة]

حرت فيك !!!!!!!!!!!!!!!!!!

حابة طريقة ماتجرحيهش؟؟؟؟؟؟

وان شاء الله يموت

أنتي وش دخلك فيه ؟؟؟؟؟

ماعندك حتى علاقة بيه

وليد العاصمة جا يقرى في قسنطسنة

يبدل الجو، ويبدل لبنات ويبدل العقلية

هو ماحشمش وما حبش يخليك على خاطر اعطيتيلوا رسائل ضمنية بأنك معجبة بيه

والدليل على صدق كلامي هو أنك حابة طريقة محترمة تمنعيه من المكالامات

كي نجو للصح واسمحيلي رايحة نكون قاسية عليك

انت عاجبك الحال على هذا راكي تحوسي على طريقة حنينة على خاطر راه عندك العاطفة تجاه هذا الشاب

لو كان ماشي عاجبك لو كان ياحسراااااااااااااااااااااااه من حرشتي خواتك عليه وراهم ضربوه وراه في دار الشرع بتهمة التحرش

ومن هذي مايزيد يشوف لا قسنطينة ولا العاصمة

لكن انت راضيك الحال وعاجبك وراكي مرتاحة كي راه يسقسي عليك مرة على مرة

مراكيش حابة تقابلي هذ الاهتمام بالقسوة

لكن نقولك حاجة وراني كبيرة عليك

صدقيني

رجل حياتك هو اللي يجي مباشرة لداركم

شحال من واحدة تعرفت على الشباب بهذ الطريقة

اللي تشوفوا هدر معاها تقول رايح يتزوجني

وانتهت حكاياتهم بالفشل

وحدة ماصدقتلها

وبقات من واحد لواحد

ماكاش كيما شرع الله في هذ الأمور

ماتخدعكش هذاك الإحساس الكاذب الواقع هو الصح

اللي يحبك يجيك لداركم

واقطعي هذ العلاقة مع هذا الشاب في زوج كلمات

قوليلوا أنا بنت فاميليا مانقبلش تهدر معايا في التيلفون ولا في غيره

ماتسحقيش تهدري على الزواج أو تقوليلوا إذا تحوس عليا أرواح تخطبني

باينة علاقة الرجل بالمرأة ماكالاه طيحي بروحك وتقوليلوا أرواح تخطبني

ماتشفقي عليه وماتكسري راسك تحوسي على طريقة لطيفة باش ماتكسريلوش قلبوا

انت ماعندك حتى دليل أنه يحبك وناويك للزواج

قالك السلام عليكم في التيليفون قلتي نحوس على طريقة لطيفة وش بيك هكذا ؟؟؟؟؟؟

رانا متزوجين بيهم وماعلابالناش ولا يحبونا !!!!!!!!!!!!!!!!

خلي انت على زوج كليمات طروشوك من واحد ماتعرفيهش

أقطعي علاقتك بيه هذا كامل تمسخير والصح كامل كي يجيب باطة تاع الحلوة ويجيب دارهم

هنايا كوني فحلة واعرفي كيفاش تكوني لطيفة معاه ومع يماه بعد الزواج.

إن شاء الله راني أفدتك