سلسلة حلويات تعلمتها في التكوين المهني

[nanigeo]

السلام عليكم ورحمة الله تعالى وبركاته
أقدم لكم سلسلة من حلويات تعلمتها في التكوين المهني

الحلوى 1
قاطو لهلال

المقادير
3 كيلات فرينة، كيلة سمن أو زبدة ذائبة، كيلة زيت، كيلة حليب، كاس شاي سكر ناعم، نصف ملعقة خميرة كميائية، فاني
الحشو
قاطو بيمو مرحي، حلوة الترك واعجنيهم بالعسل
التزيين
مربى مخفف بالعسل، قاطو بيمو مرحي
التحضير
نضع الفرينة ونضع حفرة في الوسط نضع فيها السمن او الزبدة الدائبة، الزيت ونخلط جيدا ثم نضيف السكر الخميرة والفاني ونخلط ثم نضيف الحليب تدريجيا حتى الحصول على عجينة لينة
حلي العجينة بالحلال وقطعي دوائر ضعي الحشو في الوسط وشكلي شكل هلال وضعيها في الفرن بعد النضج مرريها في المربى ثم في القاطو المرحي

الحلوى 2
قاطو الطبقات

المقادير
كاس سكر، كاس زبدة ذائبة، 1/2 كاس عسل، 2 بيضات،2 ملاعق صغيرة بيكاربونات، فرينة
التزيين
مربى، كاوكاو محمص ومرحي خشين، vermicelle فارمسال شكولاطة
التحضير
ضعي السكر الزبدة الذائبة والعسل في طنجرة على حمام مائي فوق النار واخلطي جيدا حتى تذوب المكونات ويعقد الخليط اتركيه يبرد وضعيه في اناء ضفي البيض والبيكاربونات ثم الفرينة تدريجيا حتى الحصول على عجينة لينة اقسميها الى 3 اقسام متساوية خذي صينية مستطيلة الشكل اقلبيها وحلي فوقها قسم من العجينة بشكل مستطيل وضعيها في الفرن كرري نفس العملية مع القسمين المتبقيين بعد النضج خذي الطبقة الاولى فرشي فوقها المربى بعدها ضعي الطبقة الثانية وفرشي فوقها المربى ثم ضعي الطبقة الثالثة وفرشى المربى والكاوكاو و فارمسال الشكولاطة
في اليوم الموالي قطعي الحلوى الى مربعات حتى تصبح طرية
تستطعين تعويض المربى بالكريمة

الحلوى 3
كريات الشكولاطة

المقادير
50غ حبيبات الشكولاطة او شكولاطة مبشورة+ ملعقة كبيرة فستق مرحي+ ملعقة كبيرة كاوكاو مرحي+ ملعقة كبيرة زبيب+ 2 ملاعق كبار نشاء+ 125غ زبدة+ حبة بيض+ كيس خميرة كميائية+ معطر شكولاطة+ فانيليا سائلة+ الفرينة+ شكولاطة ذائبة للتزيين
التحضير
ضعي الزبدة والسكر واخلطي على شكل كريمة اضيفي حبيبات الشكولاطة الفستق الزبيب الكاوكاو النشاء سائل الفانيليا وعطر الشكولاطة ثم الخميرة والفرينة تدريجيا حتى الحصول على عجينة طرية كوريها كرة 30 غ وضعيها في مول سيليكون فيه دوائر مزينة بربطات وضعيها في الفرن بعد النضج دعيها تبرد ثم انزعيها من المول وضعي في نفس المول شكولاطة ذائبة وضعي فيه الحلوى مجددا وضعيها في الثلاجة حتى تجمد ويسهل نزعها من المول
وشهية طيبة