الجلباب ونظرة من الواقع

[نار الشوق]

السلام عليكم

أختي في مجتعنا ينتقدوك على كلش، وخاصة على التمسك بالدين

أنا ننصحك بحاجة ولا حبيتي تنجحي في حياتك خلي كلام الناس ونظرة المجتمع خلف ظهرك، فهو كلام أناس جهال لا يسمن ولا يغني من جوع ولا يستحق أن تعيريه أدنى اهتمام
في كل أمورك حياتك، وفي أمور دينك من باب أولى


أنا شخصيا ندير في حياتي وش نحب ومعلابالي بحتى واحد وش يهدر

لا أهتم بغير رضى زوجي والوالدين

انتقدوني كي درست العلوم الشرعية وانتقدوني كي لبست الحجاب وزادوا انتقدوني كي لبست الجلباب وينتقدوني كي نحضر الدروس في المسجد وكي تخرجت ولم أبحث ان وظيفة وسينتقدونني على كل صغيرة وكبيرة

لكن كلامهم ليس له أي وزن عندي

أذكر لك على سبيل كي كنت عندي يامات ملي درت الجلباب منذ 8 سنوات، قعدت قدامي واحد العجوزة وقاعدة تشوف فيا بنظرة اشمئزاز مبعد قالتلي

"يا بنتي راكي مقمطة"

عجوزة في سن جدتي من المفروض هي لي تنصح البنات يسترو رواحهم وليس العكس

بلا ما نهدر على هادوك الاتهامات تاع المظاهر والنفاق والتطرف ووو

عيشي حياتك ما دمت مقتنعة بما تفعلين ومطمئنة أنه فعل يرضاه الله تعالى .. سيري بخطوات ثابتة ولا تلتفتي، وفقك الله