جزء 174 من واش طيبتي اليوم كوزينة احلى رفقة طيبة

[نوال عيسى]

ام هدووول اليك الوصفة
باسم الله
هم يقولولها السفة
تحكمي رطل فارميسال النوعية الجيدة وتدهنيها مليييييييييح بالزيت .. من بعد ديريها في الكسكاس وفوريها مليييح تقريبا 30دقيقة او كيما قالت مولات الوصفة تشوفيها تشوكت اكيد رح تفهميني
بعدها مباشرة نفرغها في طبسي وفرغي عليها كمية مليحة تع ما عوميها مليييييييييح لازم تتغطى مليح مليح وحلحليها بيديك .. وما تخافيش من هذه الطريقة مش رح تعجنلك بالعكس .. المهم غير تحلحليها شوية عاوديهزيها من هذاك الما و ديريها في الكسكاس كي شغل تغسليها وترجها للكسكاس .. ورديها تفور 30د اخرى وبعدها فرغيها في القصعة و رشيها بكاس ما ذوبي فيه ملح حسب الحاجة كيما نرشو الكسكسي عادي *الكاس ما يكونش كبير* ونرجعوها تفور مرة اخرى تقريبا 20د وبعدها زيديلها 2 ملعقة كبيرة سكر وسكر فاني حسب الذوق وخلطيها وزيذي رشيها بكاس حليب تع 240مل انا هنا خليتها تشربت لحليب تقريبا 5 دقايق ومن بعد رديها تفور للمرة الاخيرة تقريبا 20 دقيقة اخرى في هذه المرحلة تقدري ديري الزبيب يفور معاها يعني الزبيب تحطيه في قاع الكسكاس وديري الفارميسال فوقه وديريهم يفورو وبعدها فرغيها في صحن التقديم وزينيها بالكوكاو محمص ومدشش وسكر رطب وقرفة
وماكول الهنا
تجي خفيييفة وما تخافيش منها مش رح تعجن وننصحك جربي كمية قليلة اضمن .. وصاحبة الوصفة قالت انو هذا النوع ممكن تخبيه في الثلاجة ما يصرالها حتى شي