جزء 174 من واش طيبتي اليوم كوزينة احلى رفقة طيبة

[*سندوسة*]

المشاركة الأصلية كتبت بواسطة حياة نور الدين

اختي سوسو منسيتكش

ادا بال PC. راه حطتلك سندوسة الطريقة وادا من الهاتف تفضلي

هدا الرابط لتعديل الصور باش ميكونوش كبار ويغمونا في الكوزينة هههههه نتمنسخر اختي

https://www.djelfa.info/vb/showthread.php?t=1933988

وهدا للتحميل من التلفون

https://www.djelfa.info/vb/showthread.php?t=1706044

شكرا ليك ختي حياة
ضحكتيني

المشاركة الأصلية كتبت بواسطة ام أمينة

السلام عليكم ورحمة الله وبركاته صباح الخير
الف الف مبروك الكوزينة الجديدة وان شاءالله تكون فال خير على الجميع
دخلت لقيت لخير لي حطاتو حيوتا وام رحاب يعطيكم الصحة
لبنات كامل يعطيكم الصحة عمرتو الكوزينة بالخيرات مشاء الله عليكم

وعليكم السلام

الله يسلمك خيتو واللهم امين شكرا ليك
صح راه متحفينا بطياباتهم الله يبارك

المشاركة الأصلية كتبت بواسطة ام أمينة

واش غداكم اليوم راني حيرة وش الندير
انا راني صايمة راكي تسمعي ام ياسين ههههههههههههههه خخخخخخخخخخ
مكيش وحدك
لبنات شكون عندها وصفة تاع خبز التوست تحطهالي بليز

انا درت روز لفطور وكنت ندير فالمسمن للقهوة نتاع لعشية
صيامك فالجنة وربي يتقبل

المشاركة الأصلية كتبت بواسطة x ام رحاب x

صباحكم اسعد حبيباتي
زهرة اللوتس وام هديل وسوسو 16 واش اصبحتو عويناتكم الشابيين
سوسو انحوسلك على الوصفة وانحطهالك من عيوني حبيبتي

صاحبة واجب الله يبارك

المشاركة الأصلية كتبت بواسطة x ام رحاب x

ام امينة صباح الخيرات وصيامك في الجنة ان شاء الله ادعيلنا معاك حبيبتي

المشاركة الأصلية كتبت بواسطة حياة نور الدين

ام رحاب اطباقك رزوووووعة يعطيك الصحة

ام امينة اهلااا اختي وربي يخليك والفطور انا عندي ههههه صيامك في الجنة

زهرة اهلااا اختي وبارك الله فيك على كلامك اختي ويعطيك الصحة على اطباقك المميزة

سوسو صباح النور اختي
هدا رابط الوصفة تع ام رحاب

https://www.djelfa.info/vb/showthread.php?t=1532405

نخليكم البنات

سلااام


https://www.djelfa.info/vb/showthread.php?t=1532405

بسلامة واتهلاي في روحك

المشاركة الأصلية كتبت بواسطة mosta*limoges

ريحة لكرواسون و لقاطو جابتني
صباحكن سعيد يا أغلى لحبايب

وصباحك اسعد حبيبتي
منورة

المشاركة الأصلية كتبت بواسطة mosta*limoges

أم سهيل الف الف الف مبرووووووك يتربى في عز والديه و احمد لله على سلاكك وربي يشفيك وربي يرزق كل محروم ذرية صالحة يارب

ام سهيل مبروك مزاد عندك ربي يجعله من الصالحين يارب
وحمد لله على سلامتك

المشاركة الأصلية كتبت بواسطة x ام رحاب x

المثوم بالشمبينيو والزيتون
تاخدي طنيجرة اتحطي فيها الجاج طراف واتخليهم على نار قليلة حتا ينشف الجاج وحطي عليه الزيت والدرسة حمرا يعني حبة فلفل ادريس والثوم مرحين مع الملح واتحطي فلفل اكحل وعكري والكمون وسكنجبير خليهم يتقلاو وديري فنجال ماء باه مايتحرقلكش الدرسة وحطي مغرفة طماطم مصبرة و2 مغارف كبار طماطم مرحيين وخليهم يتقلاو مليح امبعد حطي الشمبينو والزيتون وخليهم ايطيبو على نار قليلة هاداك الوقت دوزني اللحم المرحي بالتوابل ملح فلفل اكحل ثوم وكمون وشوية قرفة وحبة بيض وشوية خبز مرحي محمص قيس 2 مغارف كبار وخلطيهم مليح وشكليهم ليبولات وكي قريب ايطيب الجاج حطي ليبولات تاع اللحم ايلا حبيتي تستغناي على طراف الجاج تقدري تستغناي عليهم وكي ايطيبو لازم اتكون المرقة عاقدة وبصحتك ان شاءالله

إضغط هنا لرؤية الصورة بحجمها الطبيعي.

امممم الله يبارك
ربي يحفظك

المشاركة الأصلية كتبت بواسطة x ام رحاب x

صباحو موستا وسندوسة
ربي يعينكم اليوم فطوري ايلا حب ربي سوب خضار مع هاداالبرد ونعجن الخبز سلالالالالالالالالالالالالالالالالالالالالالام

اهلا بالغالية
اللهم امين
بصاتكم وبالهنا والصحة

المشاركة الأصلية كتبت بواسطة أم هبوبة

الف مبروك افنتتاح الكوزينة الجديدة و اله يحعلها عتبة خير على الجميع
ما شاء الله عليكم كل وحدة باسمها تبارك الله

سندوسة هدا عشايا نتاع اول امس و عشايا نتع البارح و باروك الكوزينة الويكاند ان شاء الله نعمل كاش حاجة حلوة نحطها و ان شاء الله ربي يحلي ايامنا لينا و اهلنا و لجميع المسلمين
عشايا نتاع اول اسكالوب مقلي مع خضروا ت مشحرة يعني خويت الفريجيدار من كل الخضرة الي كانت باقية



و عشايا البرارح حمص بطريقة ام ابراهيم و زدت معاه فلفل مشوي و طماطم مقطعة يعني ليقامة نتاعه

اهلا حبيبتي
الله يسلمك واللهم امين شكرا ليك على الدعاء والكلام الطيب
طياباتك زوينين بحالك يازينة
ماشاء الله وطريقة تقديمة رائعة
الله يبارك اتحفتينا

المشاركة الأصلية كتبت بواسطة أم يوسف2

صباح الخير عليكم راني ندير البغرير امبعد نولي نقرعج ههههه

صباح نور
ربي يعينك حبيبتي
منورة حبيبتي