مادلان بدبس التمر أو الرُبْ

[RIMA.87]

السلام عليكم اخواتي في الله ،واش احوالكم ان شاء الله بخير
اليوم جيتكم بوصفة للمادلان لكن بدبس التمر او مستخلص التمر لي هو الرُبْ

و هناك أخوات لا يعرفن الرُبْ ممكن يكتشفوه
مع الأخت الأمنيات في موضوعها بعنوان *طريقة تحضير الرُبْ
و هذا هو رابط الموضوع
https://www.djelfa.info/vb/showthread...E1%D1%F5%C8%FA
أو ممكن تشروه من المحلات لانو متوفر على شكل علب زجاجية


الوصفة بسيطة و بنينة و صحية ;

2 بيض ،
2ملاعق اكل سكر مبلور (عادي) و ممكن لي يحب الحلاوة يزيد 2مغارف و لي ما يحبش الحلاوة ممكن يستغنى عن السكر كلية لان التمر و المستخلص ديالو فيهم نسبة من السكريات،
ربع كاس زيت ،
ربع كاس مستخلص التمر او دبس التمر او الرُبْ



نضيف الى الخليط 3حبات تمر مقطعة مكعبات و مرمدة في الفرينة ،
و نزيد كاس فرينة مع ملعقة صغيرة فانيليا و كيس خميرة كيميائية
ملاحظة :
الكاس لي استعملتو في الكيل هو كاس الموتارد لي موضح في الصورة و هاد المقادير عطاتني 15حبة مع العلم اني استعملت الحاويات الورقية (كيسات) من الحجم الصغير كما في الصورة،
و الاخت لي تحب كمية اكبر تضاعف المقادير.



هناك طريقة جد عملية لوضع الخليط في الكيسات حتى نتفاداو استعمال الملعقة ولي رايحة تتعبنا نوعا ما و استعمال هاذ الطريقة يساعدنا باش نتحكمو في ملئ 3/4 الكيسات بالخليط بسهولة و بطلاقة
و الطريقة هي استعمال كيس حلواني بسيط لكن انا ما كانش عندي استعملت كيس حليب فارغ بالطبع غسلتو و نشفتو و النتيجة



و هنا بعد ما طابو و خرجتهم من الفرن



و هنا عندما قدمتهم




و هنا من الداخل






و هادي الوصفة المصورة ،
ننصحكم تجربوه لانو قمة في الروووعة و البنة زد على ذلك صحي



و إلى الملتقى بإذن الله
مع وصفات أخرى
تقبلوا أحلى سلام
أختكم في الله RIMA.87