السلام عليكن حبيباتي
كيف الاحوال ان شاء الله كامل راكم بخير يا رب
اسمحولي ماراجعت والو وما راح نراجع والو الان راكم عارفين شغل نتاع الدار المحجر و زيد التحضير نتاع الدروس و التصحيح وووووو ما نكسرلكمش ريسانكم المهم بصحتكم كااامل واش درتو اليوم شفت غي بعض الصور لاطباقكن الله يبارك فنانات بلا استثناء و بلا مجاملة
حبيت نعطيكم 2 وصفات
وحدة للقاطو اللي درته البارح يجي بنين و بسرعة يو جد للقهوة او ضياف الغفلة
حلوى اقتصادية و ذوب في الفم
1 حبة بيض + 125غ زبدة ذائبة او بحرارة المطبخ +3 ملاعق كاكاو مر + 1 ملعقة صغيرة خميرة الحلويات + كاس سكر رطب و الفرينة حسب اللي تلتم العجينة و تكون طرية
نشكلو كويرات صغيرة و نرمدو وجهها في السكر الخشن ثم نديرو ثقب بالاصبع في وسطها و ندخلوها لفرن ساخن على نار متوسطة و نتركه يستوي من 20 الى 25 د ما تفوتيلهش بزاف الطياب باش ما يقساحش و كي تخرجيه و يبرد زينيه في الوسط باش ما حبيتي شكولا ذائبة او نوتيلااو مربى او ....... و بصحتكم ( انا هذ المقادير دارولي 35 حبة ذات 20 غ )
الوصفة الثانية شفتها في اليوتيوب دارتها يو تيوبوز جزائرية اسمها كهينة مليسا بلاك تعرفوها عجبتني قلت نجربها مي ماراهش عندي الشوفلور اذن قلت نقوللكم عليها بلاك نمدلكم فكرة للغذا نتاع غدوة هههه
شوفلور بصوص مورني sauce mornay
نبداو بالشوفلور انديروه في ماء وملح على النار
نروحونوجدو الصوص مورني نفس صوص بيشاميل لكن كي تبدا تتقال نزيدو ملح او احسن جومبو دجاج و فلفل اسود و فص ثوم تنقيه و ترميه كيما هو
و تزيدي صفار بيضة مع الخلط المتواصل على النار دائما ثم نضيفو كمية من الفرماج رابي ثم اضيفيلها بصل مقلّي في شوي زيت و مقطر هدي الخطوة الاخيرة هي اضافة و اذا حبيتي ايضا تزيدي شوي معدنوس ثم نحيها من النار خدي البلا نتاع الفور ادهنيه و رتبي فيه زهرات الشوفلور اللي طابو في الماء و الملح و قطرتيهم اذا حبيتي ادهنيهم بشوي زبدة او لا و رشيهم بكمية قليلة نتاع لاشابلور ثم فرغي فوقهم لاصوص مورني اللذيذة اللي تجي شوي تقيلة و زيدي فوقهم شوي فرماج رابي و دخليهم الفرن يتقراتيناو فقط تتحمر كلش طايب و شهية طيبة
انا غدوة نقوله يجيبلي الشوفلور
سلااام حبيباتي بلاك اذا قدرت ندخل في الليل نضرب طلة
صح عشاكم و تهلاو في رواحكم و في عايلاتكم ربي يحفطكم
( تقرير عن مشاركة سيئة )، و الموجودة أسفل كل مشاركة .
2016-10-09, 19:49
العرض الشجري