زيكا كنت طلبت طريقتي في تحضير طبق الزيتون افلي مع البطاطا المقلية نقولك هما زوج اطباق مزجتهم في طبق واحد الاول طبق الكباب والثاني طاجين الزيتون
اولا نحط طراف لحم في الكوكوط ونحل شوية زعفران في الماء نفرغه على اللحم نعمل شوية زبدة ادا اللحم مشحم مانكثرش +بصلة نرابيها+ملح+عود قرفة+2 او3 ورقات رند نمرق قيس مايتغطى اللحم نقفل الكوكوط ونخليه يطيب
من جهة اخرى نغلي الزيتون مع شويه قارص باش ميتغيرش لونه وورقة رند تعطيه البنة
من الجهة الثالثة هههه نقلي البطاطا
الزيتون لما تروحلو الملوحية نردو في المرق يغلي شويه
عند التقديم نحط الزيتون في الصحن ثم البطاطا المقلية ثم اللحم ونفرغ شوية مرق من الفوق باش البطاطا تاني تدي من نكهة المرق
نتمنى تكوني فهمتي شرحي كاش حاجة انا في الخدمة
( تقرير عن مشاركة سيئة )، و الموجودة أسفل كل مشاركة .
2016-09-29, 12:04
العرض الشجري