حلوياتي لعيد الاضحى في خاطر رانيا

[ام حمزة22]

[QUOTE=crono;3996138586]

المشاركة الأصلية كتبت بواسطة ام حمزة22

ان شاء الله تكونوا كلكم واهلكم بالف خير

الموضوع متاخر لكن في خاطر رانيا لي حبت تشوف حلويات العيد
كنت حضرت الصور لكن الوقت ما سمحليش نحط الموضوع

حبيبتي رانيا تفضلي صور حلوياتي ليك ولكل حبيباتي غاليات المنتدى
ربي يحلي يماتكم وييسرلكم اموركم وينجحكم في كل المجلات



السلام عليكم
واش راكي طاطا أنا رانيا ان شاء الله تكوني مليحا جيت نشكرك على الموضوع

ألي حطيتيه على جالي و الله فرحت بزاف و ماما تاني قتلها أنا نشكرها


أسمحيلي طولت عليك باش رجعتلك والله مافرغت حتى اليوم كنت نجري مع الورق تع الجامعة راكي علابلك حتى ماما كانت معيا

حتى البارح باش فريتها
اليوم راني طلعة قلت لماما نرجعلها ونشكرها قبل مانروح
عجبوني حلوياتك حتى طيابك مشاء الله و حلوات الخوخ نموت عليه درتلي ماما منها مع حلوى طبقات باش نديها معيا الجامعة
كي نشوف ماما قعدة في مكرو نقولها أدخولي عند أم حمزة و ام أماني

نشوف واش طيبو نحب نطيب شويا بصح الحلويات بزاف طيبت بعض حلويات و تطبيقات لي درتها
جرب وصفة ام أمانى و أم كوثر و fella food art ونقول ماما حطيهم ديما تقولي غدو غدو الوقت ومشكل في تحميل ووووو
أسمحيلي طولت عليك هادك هو نوجد روحي
لعقوبة لبناتك ان شاء الله يربحو الباك ويدخلو للجامعة و تفرحي بيهم مع السلامة و شكرا ليك بزاف بزاف الى اللقاء
وهادي ليك

اهلين بالغالية بنت الغالية
ربي يحفضك حبيبتي وربي يجعلك في كل خطوة سلامة
يعطيك الصحة على الكلام الطيب وباقة الورد ربي يخليك دايما كي الوردة متفتحة
ربي ينجحك ونشوفك فالمناصب العليا ويوم ما تتتخرجي وتسوتني الا كتب ربي نخدملك الحلوة ونجيبهالك بيدي للجامعة
شدي حيلك حبيبتي وتهلاي في روحك
ربي يبعد عليك ولاد لحرام ويلاقيك غير بالنفوس المومنة

تحياتي ليك وللوالدة الكريمة