موضوع مخصص لطلبة الشبه طبي دفعة 2016/17

macho.dz · 2016-09-21, 23:56

اقتباس:

المشاركة الأصلية كتبت بواسطة feriel farawla

macho.dz وش رايك في تخصص انيستيزي

صح هو المليح فيهم و الخلاص نتاعهم اكثر

رائي في التخذير
تخصص تخذير تغير على بكري (اي قبل 2012) في السابق كان التخذير تخصص مباشر اي انو اول ما تسجل تقدر تخير تخصص تخذير لكن بعد دخول نظام L.M.D لشيه طبي اصبح تخصص تخذير ماستر بمعنى لابد من دراسة 3 سنوات تمريض عام ثم العمل سنتين على الاقل (على حساب ماراهم يقولوا) ثم دراسة سنتين ماستر
ملاحظة منذ 2012 لم فتح اي ماستر في التخذبر انما فتحت مسايقة للممرضين القدماء ليصبحو مخذرين (الدفعات بعد 2012 غير معنية بالمسابقة)

الخلاص تاعو مليح ؟

طبعا اذا قريتي 5 سنين الخلاص رايح بكون خير من 3 سنين على هك بقولو الخلاص تاعو مليح

ماذا عن التخصص في حد ذاتوا ؟

من فترة عملى في غرفة العمليات و احتكاكي بالمخذرين نقدر نقولك انو ليس بالمهنة السهلة مسؤولية كبيـــــــــــــــرة تقع على عاتقكك كمخذرة

لماذا؟ لانو بسطة لما يكون الانسان مخذر انت مسؤولة عن كل شيى رفع و خفض ضعط , النبض, التنفس , عدم الاحساس بالالم , الغيبوبة , كل هذ الشيئ يتم عن طريق ادوية اللى تختلف مفعولها من شخص لاخر (لانو التخذير ليس رياضيات لازم تتقبلي انو 1+1 قدار يساوي 10) وهذا الى يقودنا للنقطة التالية الغاء التخذر (اصعب و اخطر مرحلة ) من انسان فاقد للتحكم التام في جسمه الى الحالة طبيعة (استرداد الوعية وردود الافعال) تتطلب قدر كبير من الحذر والاستعداد لانه على سبيل المثال قادر بفشل استرداد الوعي بحدث يعرف بـ "سبازم" اختناق و تشنج عظلات التنفس تؤدي الى الموت لازم تكوني مستعدة لاعادة التخذبر في ثواني و تحكم في الوضع دون تفكير ولو لثانية

حاجة اخرى ديري في بالك بلي ماشي كل المرضى الي رايحة تخذيرهم شباب في كامل قوتهم و صحتهم لالا , رايحة تخذيري ولاد صغار عمارهم يوم ويومين حجمهم اقل من الكف

شيوخة عمارهم فوق الـ90 جلد على عظم

راكي تخوفي فيا ؟

الجواب لا , انا نحط فيك في الصورة ماش حابة نرسملك صورة وردية عن التخذير
اذا كنتي قد المسؤولية مرحبا بيك راهم مسحقينك ياسر

هيه والحل الخلاصة

الخلاصة تتعلق بشخصيتك هل انت انسان قادر يتحكم في اعصابوا و يتقلم مع الضغط ؟ اذا كان نعم اذا التخذير يليق بك

اذا كان مش عارفة و تخذير يهمك ننصحك تجربي تطوعي نهار وتروحي لوبطال (الاستعجالات) تشوفي الحالات الي تفوت من بعيد تقدري تتاقلمي ؟ اذا كان وي يا مرحبا

هذا رائي والله اعلم

مشاهدة نتائج الإستطلاع: لمادا إخترت(ي) تخصص الشبه طبي بكل صراحة ؟
تخصص يضمن عمل مضمون و سهل	7	43.75%
تحب هدا التخصص مند الصغر	0	0%
لم تقبل في أحد التخصصات الطبية فإخترت هدا التخصص	4	25.00%
لم تجد تخصص يوالم معدلك إلا هدا التخصص	3	18.75%
إتبعت خيار والديك	2	12.50%
المصوتون: 16. أنت لم تصوت في هذا الإستطلاع