||¬ سلسلة صحة العيون الحلـــ _03_ ـــــقـة ¬|| العدسات اللاصقة نعمة ام نقمة على مستخدمها؟

[سطايفية بكل فخر]

اهلا اختي وشا احوالك لاباس
صح عيدكم وكل عام وانتم بخير

+
مليح ضربتي الحديد وهو حامي نستعرف بيك مكانش قد الصحة
+
ياه نندب ميوبي تزيد في 32 سنة
وتزيد ب 0,25
واش بيها هاذي وين قرات
استغفر الله
كل مرة نقول منظلمش الاطباء ومنحكيش عليهم وبلي معنديش خبرة باش ننتقدهم وبلاك انا منعرفش حوايج
مي لا حياة لمن تنادي كل مرة يديرو هفوات واحد هذا وين بدا يقرا ميديرهاش
اخطيك منها متزيديش تروحي ليها ي
واذا تلاقيتيها قولها ريب يهديك الميوبي تستبيليزي روحها في 25 سنة فما فوق وفي مدة تاع ثلاث الى اربع سنوات والكثير من الناس تستابيليزي عندهم قبل هذا السن
فكيفاش تتجاهلي سن المريض تاعك وتخوفيه باطل
والميوبي الوحيدة لي تزيد مع مرور السن ويلقا الانسان روحو نقص ضربة وحدا وفجاة تكون جاية مع مرض اسمو الكطاراكت او المياه البيضاء في العين
لما ترجع العدسة مش شفافة تخلقنا مشكل الميوبي
لكن انت ما شاءالله مزالك صغيرة على هذا الشيء وراكي مسطابيليزيا عادي
وزيد نقولو نقص اذا كاين يديقرادا كل عام فوق 0,75 وانت راكي نفس الكوراكسيون من 2013
وهذيك 0,25 لي راهي تطلع وتهبط نورمال كل طبيب واش يحب يمد
نزيدلك معلومة نورمالمون منقولهاش لانو تخصنا حنا اصحاب المهنة ولكن معليش باش نفهمك
الميوب ديما نخليوهم ناقص ب0,25 على الكراكسيون الاساسية باش يبقى مسولاجي
ويتاقلم مع النظارات
وكاين اطباء ينحيوها وكاين اطباء يخليوها
وانت مرات يمدولك 4,5 ورات 4,25
يعني راهم يلعبو عليها
وكون جات طبيبة صح متقلكش استناي ثلاث سنوات
والله ملقيت منقول قلبي مدمر عليها كون لقيتها قدامي كون بردت قلبي فيها
ويقولو تونس علاه مطورة علينا
اللسي كمون شيخ كبير وهرم وكل مرة يروح يطور علمو في الماريكان وحنا يقراو زوج حروف تاع سبيسيالتي صاي يوليو علما وياريت يتقيدو غير بليباز وميودرهمش
نادبين للحالة
لا حول ولا قوة الا بالله العلي العظيم
حسبنا الله ونعم الوكيل
+
واش من نوع عدسات ركبتلك الصلبة ولا السوبل
+
فعلا الحساسية متوالمش العدسات رايحين ميردوك وتتاثر القرنية
فاذا قاتلك لالا تبعي رايهي
كلامها راهو في الصواب راهو مزال كاين امل في اطبائنا
كون لقيتها تعفس كيما لخرى كون طيشت روحي لكاش كاميو من حمقتهم
+
الطبيب محب الدين من الاوائل لي بداو عملية الليزك في الجزائر وراهو عندو كلينيك خاصة في البرج
ويطلع مرة في السمانة لديار السعادة يسويفي فيها مرضاه
وشخصيا نوثق فيه وسبقلي كي كنت نقرا زرنا الكلينيك تاعو ناس خدامة صح
شوفي انت وشا يساعدك تروحيلو في البرج او الجزائر العاصمة
دربي راسك
واذا حبيتي تروحي لتونس نمدلك عناوين ايضا
واي حاجة راني تحت تصرفك غاليتي
جاوبيني على نوع العدسة باش ناكدلك على الصح