راني في كرب ربي اللي يعلم بيه

[مشكلتي]

السلام عليكم و رحمة الله تعالى و بركاته

راني في كرب ربي اللي يعلم بيه
اللي راني فيه فوق طاقتي مانيش قادرة نزيد خلااص راني نفكر نقتل روحي او ندير اي حاجة ندخل بيها للكومة
و اللي زادت عليا صلاتي راهي جيني افكار نحبس الصلاة
انا اللي كما ما نصليش الصلاة وقتها نغضب من نفسي و نتقلق من روحي
و متعودة نسمع الاذان نبقى نردد في الاذان او انتظر حتى يخلص الاذان و نعاودو من بعد نقول الدعاء اللهم رب هذه الدعوة التامة ...
قبيل مع اذان المغرب لما سمعت الاذان قلت في نفسي لاه راني نعاود في الاذان؟ واش ربحت؟ و لاه نصلي؟ واش ربحت فيها؟
من بعد روحت صليت المغرب و متعودة قبل التسليم ندعي اليوم بقيت نشوف السجادة و غايضتني روحي و نقول لاه دعائي غير مستجاب؟
هذا التفكير هذا مش متعودة عليه
اليوم جاتني ضربة اقوى من السابق، كنت متوقعة كل شيء و نفكر ان رايحة نعاني و نتعب غير واش صرالي اليوم ماكنتش متوقعاتو خلااااااااااااااااااااص
و زديت مع العشاء ما قدرتش
راهي علابالي في راسي ان الصلاة انا اللي نحتاجها ماشي الله
و علابالي الدنيا ابتلاءات
راني خايفة على روحي
خايفة كما راني خاسرة الدنيا نزيد نخسر الاخرة
راهي كل مرة ضربة اقوى من ختها
و راني وحدي في مشكلتي
الناس ما ترحمش خلااااااااااااااااااص
و اللي قراب ليا هما الي ضروني اكثر
حسبي الله و نعم الوكيل

قولولي اي حاجة ترجعني للطريق الصحيح
كيفاه نصبر؟
كيفاه لازم نفكر؟
راني مش قادرة نخرج من الدوامة اللي راني فيها

في ميزان حسناتكم