قتَّال الأطفال

[محمد الشاعر]

[ دفعني اخي محمد الشريف دفعا هذه الصبيحة 11/08/2016 لئن ارتجل على منوال قصيدته هذه الأبيات لقضية الوقت الراهن فلجأت للإرتجال والإلتجاء إلى الله تعالى اطلب عونه فهو القادر المقتدر على نزع هذه الزريعة المرة

يا ربي نرجاك يا عظيم الشان///***///يا قوي جبار جل جلالو
يا منتقم مولى القوة والسلطان//***/// ياخالق ذالكون واسع مجالو
ماطقناش خلاص ما صبنا لامان///***//// عبدك يدعي فيك وادموعو سالو
حرقونا كي تقطعو هاذ الصبيان///****/// ذبحوهم كفار فينا ما سالو
هاذ الكافر فات صهيون العديان///****/// يدَّعي الإسلام والكفر افعالو
بلا ذنب يقطعوهم ذ الخيان///****/// صفحة بيضة مازال مافــــــــــــيها والو
عجل بالزلزل دايم والبركان///***//// عالمجرم السفاح قتال اطفالو
اعمل فيه اللي عملتو في هامان///***///وكي قارون اللي خسفتو باموالو
نزل عنو سخط زلزلو لركان///***/// ما يحي ما يموت تطوال آجالو
يبقى كي فرعون عبرة عالأزمان///***/// وكي شارون الموت ولا يسجالو
الكل اهربنا ليك يا عظيم الشان///***///قتال الأطفال تقطع خيالو
تقلعها زريعتو من كل امكان///****//// تتنقى ارض العرب من أمثالو
ما طقناش اخلاص ما صبنا عوّان///***/// لا حاكم يعود ربي في بالو
يقطع روس المجرمين على لبدان///***/// ينفذ حكم الله يحي أجيالو
ينزع روس المكر تشاهدها لعيان///***//تبرد نار الشعب وتزول اعلالو
جارو واتقواو عنا ذ العديان///***/// والمخدرات اسبابهم بيها صالو
رانا مرعوبين في كل البلدان///***/// اللي عنو اوليـــــــــــد لا ما يحلالو
خايف لا يدوه في رمشة لعيان///***/// يلقى الجرة والمراسم مازالو
جار الباطل مع المنكر والبهتان///***/// وحكم الله في وقتنا ما رحنالو
رانا فالعذاب طحنا فالنيران///***/// لحنا شرع الله اكــــــوانا مشعالو [
بن عامر يدعيك ياواسع لركان////****/// هار ب وحدك ليك تحقق آمالو
والأمة تدعيك شياب وشبان///***//// ترجى هاذ الوقت يسقم حالو
ترفع مقتك عالخلايق يا حنان///***//// وهاذ الوقت الشين عجل تبدالو
الطف بينا يالمليك الديان ///****/// ياربي ليام بالهم اطـــــــــوالو
تخلينا في رحمتك كلش يزيان///***//// بجـــــــــــــــــــاه الرسول هو وآلو
صلى الله عليه نابينا العدنان///**//// واللي قال آمين تسجـــــــــيلو حالو
محمد بن عامر 1الأغواط11/08/2016]