نصف مليون للمهر..

[..بسمة أمل ..]

. هذا الرد كنت كتبتو من قبل

في موضوع يتكلم عن المهر

.

ﺍﻟﺴﻼﺍﺍﺍﺍﻡ ﻋﻠﻴﻜﻢ ﺍﺧتي
ﺍﻟﺸﺮﻁ ﻳﺨﺘﻠﻒ ﻣﻦ ﻭﻻﻳﺔ ﺍﻻ ﺍﺧﺮﻯ
ﻭﻣﻦ ﻋﺮﺵ ﺍﻻ ﺍﺧﺮ ﻭ ﻣﻦ ﻋﺎﺍﺍﺍﺍﺋﻠﺔ
ﺍﻟﻰ ﺍﺧﺮﻯ : ﺍﻧﺎ ﺭﺍﺡ ﻧﻘﻠﻚ ﻋﻠﻰ ﻭﻻﻳﺔ
ﺍﻟﺠﻠﻔﺔ ﺍﻟﻤﻬﺮ ﻋﻨﺪﻧﺎ ﺍﻏﻠﺐ ﺍﻟﺴﻜﺎﻥ
ﻳﺸﺮﻃﻮ ﻣﻦ 10 ﺍﻟﻰ 16 ﻣﻠﻴﻮﻥ ﺯﺍﺋﺪ
2 ﺧﻮﺍﺗﻢ ﻭﺍﺣﺪ ﻟﻠﻔﺎﺗﺤﺔ ﻭ ﺍﻻﺧﺮ
ﻓﺎﻟﻌﺮﺱ ﻭﻛﺎﻳﻦ ﻟﻲ ﻳﺸﺮﻁ ﻭﺍﺣﺪ
ﺯﺍﺋﺪ 2 ﻧﻌﺠﺎﺍﺍﺍﺕ ‏( ﻛﺒﺎﺍﺍﺵ ‏)
ﺑﻤﺼﺮﻭﻓﻬﻢ
ﻳﻌﻨﻲ ﻣﻦ ﻃﻌﺎﻡ ﻟﺨﻀﺮ ﻟﺘﻮﺍﺑﻞ ﻟﺴﻜﺮ
ﻗﻬﻮﺓ ﻋﻨﺐ ﻳﺎﺑﺲ ﺯﻳﺖ ﻃﻤﺎﻃﻢ ﻭﻭﻭ
ﻳﻌﻨﻲ ﻛﻞ ﺷﻲ ﺍﻻ ﺍﻟﻤﻠﺢ ﻋﻨﺪﻧﺎ ﻣﺎ
ﻳﺪﻭﻭﻭﻭﻫﺶ ﻳﺪﻭ ﺣﺎﺟﺔ ﺣﻠﻮﺓ ﻛﺎﻳﻦ
ﻟﻲ ﻳﺸﺮﻁ ﻧﻌﺠﺔ ﻭﺣﺪﺓ ﺯﺍﺍﺍﺋﺪ
ﺍﻟﻔﻠﻴﺰﺓ ﻭﻧﺆﺧﺮﺍ ﻗﻴﻤﺘﻬﺎ ﻭﺻﻠﺖ ﻝ
5 ﻣﻼﻳﻦ ﻫﺬﻱ ﻛﺎﻳﻦ ﻟﻲ ﻳﺸﺮﻃﻬﺎ ﻭ
ﻛﺎﻳﻦ ﻟﻲ ﻳﺠﻴﺒﻬﺎﻟﻚ ﺑﻼ ﻣﺎ ﺗﺸﺮﻃﻴﻬﺎ
ﻇﺮﻙ ﺭﺍﺡ ﻧﻘﻠﻚ ﺷﺮﻁ ﻋﺎﺋﻠﺘﻨﺎ ﻳﻌﻨﻲﻟﻲ
ﺷﺮﻁ ﺍﺑﻲ ﻓﻲ ﺑﺎﻧﺎﺗﻮ ﻭ ﻛﻨﺎﻳﻨﻮ
ﻓﻲ ﺩﺍﺭﻧﺎ ﺍﺑﻲ ﻣﺤﺪﺩ ﺷﺮﻁ ﻳﻤﺪﻭ
ﻟﻜﻨﺘﻮ ‏( ﺯﻭﺟﺔ ﺍﺑﻨﻮ ‏) ﻭ ﻳﺸﺮﻃﻮ ﻓﻲ
ﺑﻨﺎﺗﻮ
ﺩﺍﺍﺍﺋﻤﺎ 16 + ﺯﻭﺝ ﺧﻮﺍﺗﻢ + ﺯﻭﺝ
ﻧﻌﺠﺎﺍﺍﺕ+ ﻣﺼﺮﻭﻭﻭﻭﻑ ﺍﻟﻨﻌﺎﺝ +
ﻣﻠﻴﻮﻥ ﺣﻄﻮﻭﻭﻭﻁ
ﺍﻣﺎ ﺑﺎﻟﻨﺴﺒﺔ ﻟﻠﻔﺘﺎﺓ ﺭﺍﻫﺎ ﻣﺶ ﺗﺤﺲ
ﺑﻀﻌﻒ ﺍﻻ ﻧﻘﺺ ﺷﺮﻃﻬﺎ
ﻭﺍﻟﻠﻪ ﻭ ﺍﻟﻠﻪ ﻭﺍﻟﻠﻪ ﻳﺎﻧﺎﺍﺍﺍﺍﺍﺱ ﺭﺍﻫﺎ
ﻃﻔﻠﺔ ﺗﺤﺼﻞ ﻏﻲ ﻛﻠﺶ ﻟﻮﻗﺖ ﺭ
ﺻﻌﻴﻴﻴﻴﻴﺐ ﻭﺍﻟﻠﻪ ﺍﻧﺎ ﺍﺧﺘﻲ ﺭﺍﻫﺎ
ﺗﺠﻬﺰ ﻓﻲ ﺍﻟﺴﻤﺎﻧﺔ ﻟﻲ ﻓﺎﺗﺖ ﺩﺭﻧﺎ
ﻗﺎﺍﺍﺋﻤﺔ ﻧﺘﺎﻉ ﺍﻟﺠﻬﺎﺯ ﻭ ﺩﺭﻧﺎ ﺍﻻﺳﺎﺳﻴﺎﺕ
ﻓﻘﻂ ﺑﺪﻭﻭﻭﻭﻭﻭﻭﻥ ﺫﻫﺐ ﻭﺍﻟﻠﻪ ﺍﻟﻌﻠﻲ
ﺍﻟﻌﻈﻴﻢ ﻕ ﻟﻤﺠﻤﻮﻭﻭﻭﻉ ﻛﺎﻥ ﻣﺒﻬﺮ
15 ﻣﻠﻴﻮﻭﻭﻭﻭﻭﻥ ﺑﻼ ﺫﻫﺐ ﻟﻲ
ﻳﺴﻘﺎﻡ 10 ﻣﻼﻳﻦ ﻋﻠﻰ ﻻﻗﻞ
ﻭﺑﻼ ﻗﺎﻃﻮ ﻟﻲ ﻳﺴﻘﺎﻣﻠﻨﺎ 2 ﻣﻼﻳﻦ
ﺑﻼ ﺣﻔﺎﻓﺔ ﻟﻲ ﺗﺴﺘﻘﺎﻡ 3 ﻣﻼﻳﻦ
ﻓﻲ ﺯﻭﺝ ﻣﺸﻄﺎﺕ ﻓﺎﺗﺤﺔ ﻭﻋﺮﺱ
ﻫﺬﺍ ﺑﻼ ﻣﺎﺣﺴﺒﻨﺎ ﺍﻟﺼﺒﻴﻐﺔ ﻟﻲ ﺗﺠﻲ
ﻗﺒﻞ ﺍﻟﻤﺸﻄﺔ
ﻭﺑﻼ ﺗﺼﺪﻳﺮﺓ ﻟﻲ ﺗﺴﺘﻘﺎﻡ ﺏ 6 ﻣﻼﻳﻦ
ﻫﺬﺍ ﺍﺫﺍ ﺷﺮﺍﺕ ﻧﺼﻬﺎ ﻭﻛﺮﺍﺕ ﻧﺼﻬﺎ
ﻭﺑﻼ ﻛﺮﻳﺔ ﻧﺘﺎﻉ ﻻﻏﻮﺏ ﺑﻠﻮﻧﺶ ﻟﻲ
ﺗﺴﺘﻘﺎﻡ ﺏ ﻣﻠﻮﻡ ﻭ500 ﻫﺬﻱ ﻟ
ﻟﻮﻧﻬﺎ ﺷﻮﻳﺔ ﺍﺑﻴﺾ ﻣﺶ ﻃﺎﻳﺒﺔ ﺑﺎﻟﻜﺮﻳﺔ
ﻭﺑﻼ ﻛﺮﻳﺔ ﻧﺘﺎﻉ ﻻﺻﺎﺍﺍﻝ
ﻫﺬﻭ ﻟﺤﻮﺍﻳﺞ ﻗﻊ ﺗﺘﻜﻠﻒ ﺑﻴﻬﻢ ﻃﻔﻠﺔ
ﺍﻣﺎ ﻟﺤﻮﺍﻳﺞ ﻟﻲ ﻳﺘﻜﻠﻒ ﺑﻴﻬﻢ ﺍﻻﺏ
ﻫﺬﺍ ﺍﺫﺍ ﺧﺎﻑ ﺭﺑﻲ ﻓﻲ ﺑﻨﺘﻮ ﻭ ﻋﺎﻭﻧﻬﺎ
ﺍﺣﻨﺎ ﻓﺎﻟﺠﻠﻔﺔ ﻧﺪﻳﺮﻭ ﻟﺤﻢ ﺑﺎﻟﻄﻌﺎﻡ
ﻭﺍﻟﻠﻪ ﻧﺨﺴﺮﻭ ﺑﺰﺍﺍﺍﺍﻑ ﺩرﺍﻫﻢ ﻓﻲ
ﻟﻜﺒﺎﺍﺍﺵ ﻣﺜﻼ ﻓﻲ ﻋﺮﺱ ﺍﺧﻲ ﺩﺭﻧﺎﻩ
ﻓﻲ ﻣﺎﻱ ﻟﻲ ﻓﺎﺍﺍﺕ ﺫﺑﺤﻨﺎ
8 + 2 ﻧﻌﺠﺎﺕ ﺩﻳﻨﺎﻫﻢ ﻻﻫﻞ ﺍﻟﻌﺮﻭﺱ
ﺍﻛﺒﺎﺍﺍﺍﺍﺵ ﻛﻠﻬﻢ ﻣﺬﺑﻮﺣﻴﻦ ﻋﻨﺪﻧﺎ
ﺍﺑﻲ ﻣﻴﺤﺒﺶ ﻟﻔﺮﻳﺴﺔ
ﻭﻋﺮﺱ ﻃﻔﻞ ﻳﻜﻠﻒ ﺍﻛﺜﺮ ﻧﺪﻳﺮﻭ
ﺷﺒﻴﺒﺎ ﻭ ﺍﻟﺸﻴﻮﺥ ﻟﻜﺒﺎﺭ ﻭ ﻟﺠﻴﺮﺍﻥ
ﻭﺗﺰﻳﺪ ﺩﻳﺮﻟﻬﻢ ﻗﺎﻃﻮﻫﻢ ﻧﺘﺎﻉ ﻟﻘﻬﻮﺓ
ﻭﻻﺗﺎﻱ
ﺍﻣﺎ ﻓﻲ ﻋﺮﺱ ﺍﺧﺘﻲ ﺫﺑﺤﻨﺎ 4
ﻧﻌﺠﺎﺕ ﻣﻦ ﻋﻨﺪﻧﺎ ﺯﺍﺋﺪ 2 ﻧﺘﺎﻉ ﺍﻫﻞ
ﻟﻌﺮﻳﺲ
ﺍﺍﺍﺍﻩ ﻧﺴﻴﺖ ﺣﺎﺟﺔ ﻣﻬﻤﺔ ﺍﺣﻨﺎ ﻓﺎﻟﺠﻠﻔﺔ
ﻃﻔﻠﺔ ﻻﺯﻡ ﺗﺪﻱ ﺻﺒﺤﺖ ﺍﻟﻌﺮﺱ
ﻓﻄﻮﻭﻭﺭ ﻓﻴﻪ ﺭﻓﻴﺲ ﻣﻊ ﻟﺒﻦ ﺯﺍﺋﺪ
ﺍﻧﻮﺍﻉ ﻗﺎﻃﻮ ﺗﻜﻮﻥ ﻏﺎﻟﻴﺔ ﺯﺍﺋﺪ
ﺷﺨﺸﻮﺧﺔ ﺣﻠﻮﺓ ﺑﺎﻟﻤﻜﺴﺮﺍﺕ
ﻭﺍﻫﻢ ﺣﺎﺟﺔ ﻋﻨﺪﻧﺎ ﻻﺍﺍﺍﺯﻡ ﻟﻌﺮﻭﺱ
ﺗﺪﻱ 5 ﻛﻴﻠﻮ ﺍﻟﻰ 10 ﻗﻬﻮﺓ
ﺯﺍﺋﺪ ﺧﻴﺸﺔ ﻧﺘﺎﻉ ﺧﻤﺴﻴﻦ ﻛﻴﻠﻮ ﺳﻜﺮ
ﺯﺍﺋﺪ ﺭﻳﺤﺔ ﻭﺣﻨﺔ ﻭﺻﺎﺑﻮﻥ ﻭﻗﺎﻃﻮ
ﻧﺘﺎﻉ ﺍﻟﺸﺮﻳﺔ
ﻫﺬﻭ ﺗﺪﻱ ﻣﻨﻬﻢ ﺍﻣﺎ 20 ﺍﻭ 30 ﺍﻭ 40
ﻭﺍﻟﻠﻪ ﺍﺣﻨﺎ ﻓﻲ ﻋﺮﺱ ﺍﺧﺘﻲ
ﺩﻳﻨﺎ 40 ﻗﺮﻋﺔ ﺭﻳﺤﺔ ﻧﺘﺎ 18 ﺍﻟﻒ
ﻭ 40 ﺑﺎﻃﺔ ﺣﻨﺔ ﻧﺘﺎﻉ 5 ﺍﻻﻑ ﻭ
40 ﺑﺎﻃﺔ ﻗﺎﻃﻮ ﻧﺘﺎﻉ 6 ﺍﻻﻑ
ﻭ 40 ﺻﺎﺑﻮﻧﺔ ﻭﺧﻴﺸﺔ ﺳﻜﺮ ﻧﺘﺎﻉ
50 ﻛﻴﻠﻮ ﻭ ﺍﻟﻠﻪ ﻋﻠﻰ ﻣﺎ ﺍﻗﻮﻝ ﺷﻬﻴﺪ
ﻭﻧﻬﺎﺭ ﺗﺠﻲ ﻟﻌﺮﻭﺱ ﺗﺮﺩ ﺳﺒﻮﻉ
ﺗﺰﻳﺪ ﺗﺤﺼﻞ ﺍﻛﺜﺮ ﻭﺍﻛﺜﺮ
ﺑﻜﺮﻱ ﻛﺎﻧﻮ ﻳﺪﻭ ﻧﺺ ﻧﻌﺠﺔ ﻇﺮﻙ
ﻭﻻﻭ ﻳﺪﻭ ﻧﻌﺠﺔ ﻣﻊ ﻛﺮﻃﻮﻧﺔ ﻃﻌﺎﻡ
ﻭﻃﻤﺎﻃﻢ ﻣﺼﺒﺮﺓ ﺑﻄﺎﻃﺔ ﻗﺮﻋﺔ
ﺟﺰﺭ ﻭﻭﻭﻭﺍﻟﺦ
ﻭ ﺩرﺍﺍﺍﺱ ﻛﻮﻛﺎﻭ ﻭﺣﻠﻮﺓ ﺑﺎﻧﻮﺍﻋﻬﺎ
ﺑﻜﻤﻴﺔ ﻛﺒﻴﺮﺓ ﻭ 50 ﺣﺒﺔ ﺑﻴﺾ ﻭ
ﻛﻌﺒﻮﻭﻭﻭﺵ ‏(ﻟﺒﺴﻴﺴﺔ ‏) ﻛﻤﻴﺔ ﻛﺒﻴﺮﺓ
ﻭﻓﺎﺍﺍﻛﻬﺔ ﺑﺎﻧﻮﺍﻋﻬﺎ ﻭ ﺷﺨﺸﻮﺧﺔ
ﺗﻌﺒﺖ ﻣﻦ ﻟﻜﺘﻴﺒﺔ ﻛﺎﺵ ﻣﺎﻧﺘﻔﻜﺮ
ﻧﻜﻤﻞ ﻭﺍﻟﻠﻪ ﺷﺮﺣﺘﻠﻚ ﺑﺎﺵ ﺗﻌﺮﻓﻮ
ﺑﻠﻲ ﻃﻔﻠﺔ ﺭﺍﻫﺎ ﺣﺎﺻﻠﺔ ﺍﻛﺜﺮ ﻭ
ﻣﺼﺎﺭﻳﻔﻬﺎ ﻛﺒﻴﻴﻴﻴﻴﻴﻴﺮﺓ


ﺍﻟﻤﺼﺎﺭﻳﻒ ﻗﻊ ﻣﻮﺟﻮﺩﺓ ﻓﻲ ﻭﻻﻳﺘﻨﺎ
ﻭﻟﻲ
ﻣﺪﻳﺮﻫﺎﺵ ﻭﺍﻟﻠﻪ ﺗﺤﺼﻞ ﻓﺎﻟﻬﺪﺭﺓ ﻧﺘﺎﻉ
ﺍﻟﻨﺎﺱ

والله على ما اقول شهيد