قصتي في قالمة

[richman054341]

السلام عليكم اخواني في الأمس القريب ها أنا ذاهب لتلك المدرسة المزعومة لضباط الصف بقالمة ذهبت في اليوم الأول من شهر اوت لموعد في ثاني يوم ذاهب وكلي عزيمة وإتكال على ربي سبحانه وتعالى ذاهب لمكان بعيد قررت المبيت ففي اليوم التالي نهضت على الشاعة 5 صباحا الجو ساخن ورطب فوق اللازم درت دوش وحملت اغراضي وخرجت من الفندق متجها للمقهى للفطور ها أنا أحمل قارورة الماء متجها نحو النعيم لكن هيهات ما إن وصولي ينادون بإسمي امسك الإستدعاء من أحد ( ليستاجور) وأفتش في اغراضي واتجه ليتأكدو من بطاقة الهوية و الإستدعاء وأفتش ينزعومن من قارورة الماء بحجة أن الماء متوفر نضمونا في صفوف طلاب الجامعة في صفوف ونحن في صفوف دخلنا فبدأو بتصورنا وبعدها بتوزيع الأوراق ونحن نملأ كل المعلومات قسموا إلى مجموعات من مجوعة 1 إلى المجموعة 10 أنا كنت من المجوعة 8 التي نالها التعب يوم كامل من 6 صباحا إلى 6.30 موعد دخولنا للطبية في إنتضارنا كان أي شخص من ولاية ما يبحث عن ولات بلاده رغم أن كلنا ولات الجزائر الجهوية إلا أنا لم يأتي أي شخص باتني ليسأل هل من باتنية هنا كثر خير شخص ستاجير مسكين سقساني هو من التبسة وتحدث معي لأنني وحيد في نظره دخلنا إلى العيادة إتجهنا لنزع ملابسنا وبدات الهواتف بالرنين وتأتي القيادة وتنادي بأصحاب المعارف بأسمائهم حان دوري للميزان وزنت فظلمني في الميزان وانقص مني حواي 4 كيلو و بعدها بإتجاه اختبار النظر وضعو لافتة الحروف مقابل النوفذ وضوء النهار متجهة صوبها ولات ظهر الحروف بشكل جيد رغم انا نظري جيد ودائما 10/10 إللا في هاته المرة كان 8/10 وشخص من ورائي من عنابة كنت اتحدث معه قالي انا منشوفش مليح مريض 6/10 بصح دك نفوتلو واحد يهدر معاه دالو التيليفون حكا معا شخص مجهول المهم هو قبلوه وحطولو 10/10 ربي يسهلو العنابي ذهبت للطبيبة عندما دخت قاتلي فاه زايد قتلها 1995 قاتلي مزلت صغير العام الجاي ودير دوسي والله هذا محكاة معايا وكي ريكلميت باغت تلقى سبة باه تخرجني قاتلي عندك شينة تحت اللحية كنت صغير وطحت عليها والله هي متبان من داررتها سبة وخرجتني المهم كاين واحد كان قدامي من تبسة والله مايشوف وزيد ضعيف خلاص صح مقبلوهش مي كاين ولات التبسة وهوما دي ستجور برك واقفين معاه وفراولو وراه مقبول المهم الطبيبة و الجهاز الممظم نوكل عليهم ربي رغم انهم يحتاجوني لأنني عندي ديبلومين ولكن لعدم وجود المعريفة تبقى حبر على ورق الهم انا ننصح خاوتي لي رايح فما يلزمك معريفة و ولي راه فما يحوس على ولات بلادو ويوقف على قد ما يقدر ويقصد الشيفان لي فما وربي يسهلكم ويهلي انا مزالي تاع سكيكدة وإنشاء الله فيها خير دعوتكم لنا إخواني