يا حصراه على ايامات الريف و الدجاجة

[..بسمة أمل ..]

ههههه السلام عليكم



ليوم حبيت نحكيلكم

ذكرياتي فالريف من اهمها ..

مرة انا نا وبنات خوالي وبنات ريف قع


لي ثمة فالعيد جملنا ورحنا لجنان

فيه كل خير و فيه الدجااااج

كانت كاينة وحد الدجاجة حاضنة

على بيضاتها ايا قلتلهم انا واش

رايكم نسرقو البيض و نقلووووه ^.^

زعما تشهيت فيه ههههه °.°

ايا رحنا سرقنا مقلا و بريكا ودخلنا

للجنان

رحنا ديراكت لدجاجة زعكناها على

بيضها خخخخخ ((اكرااااد))

وبدات تقوقط فينا بصح كنا ياسر

خلعناها بدينا نسرقو فالبيض

واكبر كمية سرقتها انااااااااااااااااا


ههههههه و متنساوش رانا خلينا

شاف فالكوزينة نتاع جنان مشعلة

النار وتعس فالجنان لا يحرق شعلنا

فالحطب و ثااااانيمتنساوش بعثنا طفلة

وحداخرة تطلب فالملح من عند

جيران لي هوما عم ماما +.+

لمهم سرقنا لبيض و لحقنا عند

الطبااااخة قلنالها ايا هاكي ابداي

قاتلنا استناو لملح قبل((( احنا منكلوش

لمسوس معندناش الدم خخخ))) ستنينا

و جا عمو لملح عمارة كاااملة

بعثوهالنا يحسبو جداتي طلبتهم

((خخخخخخ منوين واثقين فالبز ))

لمهم بديت انا اول وحدة نفقص

فالبيض مجرد ما فقصت لبيضة

الاولة نلقااااو فيها فلوووس((ياعيني

ياعيني وععع اي دا حرااامي فالبيضة

يا نهار اسوووووود))) وعععععع قلتلهم

والو هذي راها فاسدة شوفو نتاعكم


عاودتا فقصنا اخرى جديدة هههه

بداو يفقصو الكل لاقاوهم فيهم

فلاليس فقصنا 11 بيضة ولخرين

رجعناهم لدجاجة خخخخخخخ

كي كبرت غاضوني لفلاليس و

الدجاااجة ديما نقول كنت صغيرة

وربي ما يحاسبنيش مع اني كنت

كبيرة ^.^ شوية مش صغيرة ياسر

هذي من اهم ذكرياتي ان شاء

الله تنال اعجابكم