السلام عليكم جبتلكم اليوم وصفة جد لذيذة و رائعة و خفيفة للامونة انا نبغيها بزاف لاني من عشاق الحلويات و خاصة لي ما تكونش حلوة بزيادة بدون اطالة اليكم الوصفة:
*4 بيض
*كاس سكر عادي. خلطي مليح
*كاس زيت
*مبشور ليمونة
*ملعقة كبيرة ماء زهر
*انا ضفت ملعقة كبيرة مبشور برتقال كنت محتفظة به في المجمد
*ملعقة صغيرة فانيلا
*3 ملاعق كبار خميرة الخبز (مذابة في القليل من الحليب الدافئ)
*نصف لتر حليب دافئ
*1 خميرة الحلوى(خلطيها مع شوية فرينة)
*فرينة للجمع
نخلط جميع المقادير و الاهم انو نخلي العجينة تلصق شوية مشي بزاف باش تجينا اللامونة خفيفة و هشة و نعجن شوية مشي بزاف نغطيها و نخليها تخمر في مكان دافئ حتى يضاعف الحجم تاعها
بعد ما تخمر نفشها و نشكلها كويرات 7 او 8 يلا بغيتي حجم متوسط يلا تبغي الحجم تاعها صغير ديري 10 او 11 و العكس
ملاحظة: يلا كان عندك الوقت خمريها و فشيها شحال من مرة قبل ما تشكليها كويرات تجي خفيفة ما نحكيلكش قداش
نحط الكويرات في صينية مدهونة و نعمل حرف زائد من الفوق باستعمال مقص او سكين و نخليها تخمر
كي يضاعف الحجم تاعها ندهنها بخليط من البيض و شوية قهوة طايبة و نذري السكر من الاحسن يكون خشين و نكثر شوية في الوسط مكان الزائد لي عملناه و ندخلها للفرن يكون مسخن مسبقاو نطيبها
كي تطيب من التحت نحمرها شوية من الفوق و نخرجها و تاكلوها بالصحة و الراحة
ملاحظة: نغربل الفانيلا و خميرة الحلوى و الفانيلا قبل ما نحطهم في الخليط.
ما تنسوش تاعطوني رايكم وتشجيعاتكم لاني اصاب بالاحباط كي ما نلقى و لا تعليق.
للاسف ما بغاتش تتحملي الصورة راح نعاود نحاول تحميلها با تشوفوها سلام
( تقرير عن مشاركة سيئة )، و الموجودة أسفل كل مشاركة .
2016-07-14, 17:14
لامونة وهرانية و لا اروع
العرض الشجري