السلام عليكم اخواتي
ان شاء الله الكل في تمام الصحة والعافية
وصفة اليوم عبارة عن حلوى بالكاوكاو والجلجلانية في مول السليكون
في الحقيقة بعد ما حضرت الحلوى لم اجد لها اسم فقررت نسميها قاطو القوقعة لان المول المستعمل يشبه نوعا ما في القوقعة
لكن بعد مازينتها شكلها اصبح اقرب للعين خخخ من دون اطالة اترككم مع الوصفة
https://
المقادير:
مرقرين250غ
كاس سكر رطب
كاس بيمو مرحي
كاس كاوكاو محمص ومرحي رقيق
كاس جلجلانية محمصة
بيض2
كاس مايزينة
نصف م ص خميرة
لافاني
فرينة
للتزيين
شكولة
ملمع ذهبي
الطريقة:
بواسطة الخلاط الكهربائي نخلط المرقرين مع السكر جيدا نضيف البيض ونخلط ثم الفاني والكاوكاو والجلجلانية والبيمو المرحي نحرك ثم نضيف المايزينة والخميرة والفرينة حتى نتحصل على عجينة مالازمش تكون ناشفة نخليها طرية نوعا ما
نحتاج الى هذا المول
https://
نوزن كريات بحجم25غ ونحطها داخل المول
https://
ندخلها للفرن يكون مسخن مسبقا على درجة حرارة 180 بعد ماتطيب ننزعا من المول ونتركها تبرد جيد
https://
نغسل مول السليكون من الحلوى بعد ماينشف نحط فيه الشكولة المذوبة على حمام مائي ونحط داخله الحلوى وندخله للمجمد حوالي10د من بعد ننزع الحلوى بكل سهولة من المول
https://
نزين الحلوى بالملمع الذهبي وبخطوط من الشكولة البيضاء وتقدم بالصحة والعافية
https://
بمقادير بسيطة ممكن نعمل حلوى راااائعة والحمد لله ان اسواقنا تحوي اشكل وانواع كثيرة من ليمول
https://
عن قرب
https://
شوفو شكلها ما احلاه
https://
ان شاء الله تنال الوصفة اعجابكم
ولا تنسوني انا وعائلتي من صالح الدعاء ولكن بالمثل
تم بحمد الله
في امان الله