~ لكل من اختار شعبة رياضيات ..جاهزة لاستفساراتكم ~

[~نسآئم الصبآح ~]

المشاركة الأصلية كتبت بواسطة ryàyànàx

السلام عليكم صحا فطوركم
مشكوره عالاجابات السابقه خنوسه حسيت ما تصلحش ههه خنفوسه همزح طيب =)) المهم اني استفدت
وجدت ليك كومةة الاسئله اللي إن شاء الله نكملها وانتي ما مليتيش منها <3
وكمُلاحظه ما تختصريش اجوبتك من فضلك فصلي كيما نفصل انا فالاسئله لاني نحب التوسع <3
أولاً اكيد انتي قبل ما تدخلي للسنه الثانيه الثانيه يعني في عطلة انتقالك لها مثلنا حنا ضرك كنتي جدًا مُتحمسه ومجهزه نفسك وربما كانت عندك شوية تخوف من هذه الشعبه اكيد لان شعبة الرياضيات اسمها يكفي لتصور فخامتها و عظم شأنها ههههههههه ، احكيلي كيفاش كانت حكاية اختيارك لهاذ الشعبه وكيفاش تغلبتي على مخاوفك و اعتبرتيها عادية وقريتي فيها وجبتي روحك ؟
ثانيًا اخبريني بالسبب الحقيقي والرئيسي وراء تراجع معدلك فالفصل الاول
ثالثًا متى نبدأ التحضير و المُراجعه انا جدًا مُتحمسه وكون تقوليلي ابداي من االيوم نبدا عادي ههههه
رابعًا اعطيني المراجع اللي نحتاجها في مادتي الرياضيات والفيزياء وايضا مادة العلوم يعني الكتب الخارجيه اللي نستعين بيها في حل التمارين و التطبيق و الاطلاع على الحلول الموجودة فيها لتعلم منهجية الاجابه ، قوليلي كل مادة مرجع وما تكثريش عليا من فضلك اعطيني اللي تفيدني برك
خامسًا اعطيني مواقع من هنا فالانترنيت فيها سلاسل للتمارين للفصول الثلاثه لكلا المادتين الاساستين لكي اقوم بحلها ان شاء الله
سادسًا انصحيني كيفاش ننظم وقتي اعطيني برنامج مثالي وانا نتبعو نطبقو
سابعًا قوليلي فالفصل الاول اكيد واجهتي صعوبه بعض الشيئ لان المستوى طلع على الاولى ثانوي وتبدلت حوايج ياسر قوليلي واشي هي العوائق اللي اعترضتك في طريقك و الصعوبات اللي واجهاتك ؟؟؟ و كيفاش تخطيتيها وتأقلمتي معاها ؟؟وهل يستغرق ذلك طويلاً ؟؟
ثامنًا كيف تصفين مستواك في الرياضيات والفيزياء هل هو ممتاز ام جيد جدا ام جيد وكيف حسنتِ منه؟
تاسعًا انا نخليلك هاذو الاسئله لانو حفاللحظه هاذي هاذا ما جا في بالي
كشما زاد جا في راسي تساؤل اني نجي نكسرلك راسك هههه وشكرا

وعليكم السلام ورحمة الله وبركاته
الله يسلمك خيتي ونتي زادة
لا شكر على واجب ههه خليك مالا في خنوسة اتمنى أن لا أختصر

أولا أنا من الثالثة متوسط كنت أريد هذه الشعبة وبعد السنة الرابعة متوسط زاد تعلقي بالمادة فقد درست عند أستاذ أكثر من رائع وطريقته كانت مميزة
يرسخ المعارف دون أن نكتب في الكراس وأذكر أنه هو من علمني منهجية البرهان الصحيحة يعني كان كل قانون ندرسه يقوللنا ابحثو على برهانو وهكا
حبيت المادة وبعد كي طلعت للسنة أولى صح كانت عندنا أستاذة مستخلفة صح هي ميش متمكنه بزاف بصح تحاول أنها تمد وش تقدر كامل فلما مدولنا بطاقة الرغبات دون تردد خيرت الشعبة وملقيتش معارضة من الاهل يعرفو بلي نحب المادة ومن بكري أنا مبشرة كامل الناس بلي راني رايحة نخير هذه الشعبة
والحمد لله ما ندمت ولا لحظة كي خيرتها وماكنتش عندي مخاوف صح تراجعت فيالفصل الأول بصح حاولت قدر الامكان أني نتحسن وعندي أستاذ رائع
يدرسي ثاني هو كل حاجة نخدموها بالبرهان ويمدلنا بزاف حوايج تاع بكالوريا خاصة في مجموعات النقط والمناقشات البيانية وبرااهين التراجع
والاحتملات ثاني قرانا هادو لحوايج باش العام جاي يجونا ساهلين


تراجعت بسبب أنني عندما اخترت شعبة رياضيات غيرولي الثانوية وهي تبعد عن مقر السكن حوالي 1 كلم ونصف بعيدة شوي وبابا موش دايما يوصلني بزاف عليه ومبعد أنا الثانوية الجديدة تاعي كنت مستنية استاذ الفيزياء والرياضيات ملاح بصح مدلونا زوج جداد معندهمش خبرة ملا زدت غيرت الثانوية في منتصف الفصل الأول وثاني مبعيدة علينا نقصت على روحي 100م برك ملا ظروف ما سعدتنيش وزيد أنو الاستاذ كان حابنا نتحطو شوية باش نخدمو دارلنا فرض واختبار شوية صعاب وحاسبنا بزاف خاصة في المنهجية تاع التكافؤات والاستلزامات وانا مكنتش متعودة وهاذو هوما اسباب تراجعي

أنا في الصيف صراحة لم احضر ولكن أنصحك في شهر أوت قومي بالاطلاع على البرنامج قليلا

الرياضيات الجديد
الفيزياء الهباج والجديد
علوم لم اتذكره هو كتاب فيه حلول النشاطات والتمارين وملخصات للدروس


موقع الأول للدراسة في الجزائر ، موقع الاستاذ قزوري دروس الاستاذ نور الدين ومولاي عمر في اليوتيوب


كل واحد وظروف لي تساعدو الحاجة اللازمة أنو تعرفي تخيري الاولويات وطبقي مليح نتي شوفي لي يساعدك ونا هاني حطيت البرنامج لي كنت نديرو
اطلعي عليه


أختي الصعوبة لي واجهتني هي الطريق بعيدة وثاني حاجة المنهجية كنت مزال متعلمتهاش أنا نتذكر انو في السمانة لولا لي بدلت درنا فرض علوم ورياضيات ولي بعدها فيزياء هاذي شوية خلعوني فيها ومبعد ملي تعودت على المكان والناس وتعلمت منهجية وفهمت طريق عمل الاساتذة تاقلمت مع الظروف لم يتغرق وقتا طويلا وخاصة انو الدروس لولا راهي اعادة لدروس السنة الأولى

مستواي جيد لا بأس به وحسنت منه بحل التمارين والاستمتاع بها

نتي بالخصوص مرحب بك في اي وقت الموضوع اصلا في خاطرك
صح فطورك