هو اكمال الدراسة

[سطايفية بكل فخر]

اييييييييييه هذا وين فهمتك قريت موضوعك ومكنتش فاهمة واش تقصد
الان وين فهمتك
شوف اخي
راك مخربط المعلومات
الماستر والليسانس المهني لا يعني انو متخرج من تكوين مهني
التكوين المهني وحدو والجامعة وحدها
رايحة نفهمك
انت متخرج من التكوين المهني متقدرش تفوت للجامعة بالديبلوم تاعك
الجاامعة تدخلها بلباك فقط
نرجعلك لليسانس المهني والماستر المهني
شوف اخو هذو مش معناهم انو اصحاب التكوين مهني خصولهم تخصصات في الجامعة ولكن النظام الجامعي مقسم لاثنين ليسانس ماستر اكاديمي وليسانس ماستر مهني
نفهم الليسانس والاكاديمي تقدر تكمل بيهم دكتوراه عادي وتكمل البحث العلمي تاعك
لكن الليسانس المهني مخصص للشعب لي تخرجط لمجال العمل ومتقدرش تدخل بيهم ماستر اكاديمي لازم ماستر مهني ايضا
في الخارج ليسانس مهني تقراه ثلاث سنوات والماستر سنة واحدة وتحول لمجال العمل
لكن في الجزائر كلش نورمال الليسانس مهني تفوت بيه اكاديمي وتكمل تقرا عادي
نعطيك مثال عن ليسانس وماستر اكاديمي وليسانس وماستر مهني
مثلا انا نقرا بصريات عندي ليسانس مهني كي نكمل مورمالمون نخرج طول نخدم اوبتيسيان
مثلا واحد قرا رياضيات اكاديمي يكمل حتى الدكتوراه ويرجع استاذ جامعي
لكن واحد قرا رياضيات مهني وماستر مهني مش من حقو يكمل دكتوراه يروح طول يقري ليسي ولا سيام ولا بريمار
نتمى وصلتلك الفكرة
ومجددا متخلطش المواضيع الجامعة وحدها والتكوين المهني وحدو
وديبلوم جامعي ميقدرش يكمل مولاه تكوين مهني يبدا من الصفر
وايضا ديبلوم تكوين مهني متقدرش تفوت بيه للجامعة حتى تدي الباك وتقرا تخصص وزتكمل فيه
كل موسسة منفصلة عن اختها
ربي يسهلك