السلام عليكم و رحمة الله تعالى و بركاته
اليوم جبتلكم وصفة كاشير رائعة جدا و ناجحة ان شاء الله ذوقها مثل تاع البيع و احسن لانها مخدومة فالدار و نقية المهم نبدا باسم الله :
المقادير:
5 حبات جبن
6 حبات بيض
ملعقة صغيرة بودرة الثوم يمكنكي وضع فص ثوم لكن النكهة ستكون قوية
2 حبات جومبو انا استعملت دوق دجاج
ملعقة صغيرة فلفل عكري اي الحلو
شوية فلفل اسود
نص كاس زيت
كاس فرينة
اذا تحبي الزيتون ديري
ملون غذائي ممكن تستغني عليه
الطريقة
في خلاط كهربائي او بالبراميكسور حطي البيض و الجبن و الزيت و الفلفل الاحمر و الاسود و الجومبو وشوية ملح لان الجومبو مالح و بودرة الثوم و الملون حسب الرغبة و خلطيهم مليح حتى يولو خليط متجانس و زيدي كوب الفرينة و خلطي مليح كي يتخلط زيدي الزيتون و حبسي التخلاط جيبي كيس سباغيتي و ربطيه مالتح باش يجي الشكل مدور فرغي الخليط فالكيس و ربطيه غاية و ديري قدر فيه الماء مغلي و حطيه على النار لمدة 45 دقيقة كي يطيب خرجية و بالصحا و الراحة
هاذ الوصفة شفتها في فيديو لام و ليد و قمت بتطبيق الوصفة و ماصورتش لكن كاين هاذ الصور
ان شاء الله يعجبكم و بالصحا
( تقرير عن مشاركة سيئة )، و الموجودة أسفل كل مشاركة .
2016-05-19, 16:01
وصفة كاشير رائعة
العرض الشجري