كل واحد غادي يفوت الباك يدخل

[samalg]

البسملة1

كيف الاحوال مع المراجعة ؟؟؟
بغيت ندير هاذ الموضوع باش كامل نعرفو واش رانا نديرو وكيفاش رانا نفوتو الوقت لي تبقى

شخصيا هذا حالي الان بين الفوضى والعلوم



وانا راني منظمة كراريسي بهاذ الشكل


يعني راني دايرة في كل حافظة اوراق الملخصات والكراس نتاع المادة كل ما نجي نراجع نجيب وحدة ونبدا نراجع باه ما يتخلطوليش ولا يتودرو

اما عن المراجعة فانا راجعت الفيزياء من الاول وودعت كراسي خلاص ما نزيدتش ندور بيه يقاولي الملخصات نقراهم نهار يكون عندنا الفيزياء وكملت مواضيع البكالوريا نتاع الفيزياء تاني وفهمت مليح وديت افكار سيرتو الميكانيك ما كنت فاهمة فيها والو بصح ضروك الحمد لله عرفت طريقة الحل والاسئلة لي ممكن نشوفوها وبالنسبة للاهتزازات فالحقيقة مازال ما حليتش عليها تمارين بصح ساهلة ودرسها قصير
ضروك بديت فالعلوم راني واصلة فالتركيب الضوئي نكملها اليوم ان شاء الله وتبقى الجيولوجيا حتى يقرب الباك ونراجعها لانو انا عندي حفظة وصايي وغادي نبدا اليوم ان شاء الله في حل مواضيع العلوم
اما الرياضيات راجعتها السمانة لي فاتت كي كان عندنا امتحان تجريبي عاودتها من الاول وما نزيدتش نرجع للكراس ضروك كي يقرب الباك نجبد غي الملخصات وصايي والمواضيع نتاع البكالوريا كل يوم نحل واحد مثلا اليوم فالليل نحل واحد وغدوا تاني انا ما عنديش مشكل مع الرياضيات
المواد نتاع الحفظة بديت بالتاريخ حفظت الوحدة الاولى والثانية واليوم ان شاء الله نحفظ الوحدة الثالثة لخصت حركات التحرر والقضية الفلسطينية لانو جاوني نتاع محودي عادل طوال بزاف
هاذو هوما بالاك تستفادو منهم








وغدوا ان شاء الله نبدا فالجغرافيا وكي نكمل منهم نرجع للمصطلحات والشخصيات والخرائط ومن بعد المواضيع نتاع البكالوريا
اما التربية الاسلامية راني حافظتها مليييييييييييييح غيلا للويكاند التالي قبل الباك باه نعاودها ونحل المواضيع
اما الفلسفة راني خايفة يلا ننسى الانصار والمواقف وكامل دايرتها فالسمانة لي نكونو نفوتو فيها الباك نعاودها راني حافظة كراسي كامل من قبل غي نعاودها و في ثلاثة ايام ان شاء الله نكملها
والانجليزية اختي متزوجة ونهار الاحد تجي تقريني هي استاذة فالثانوية ونحل انا وياها المواضيع نتاع الباك انا ما عنديش مشكل معاها نفهمها ونعرف نهدر شوية انجلش بكل تواضع هههههههههه
والفرونسي والعربية السمانة الجاية ندير لهم نهار نهار مع المواضيع ان شاء الله
وربي يقدرني ونكمل فالوقت
ايا قولو لي واش رايكم؟؟؟؟؟
ونتوما واش هي مخططاتكم؟؟؟؟؟؟؟
سمحولي طولت الهدرة عليكم
بالتوفيق في البكالوريا