طورطة الجينواز بكريمة الزبدة السويسرية

[زجزجة]

مقادير الجينواز:
4بيض
200غ سكر عادي
200غ فرينة
1خميرة الحلويات
لفاني الطريقة:
نخلط البيض مع السكر و لفاني في الخلاط الكهربائي جيدا من 5دقائق الى 7 دقائق يولي كيما المورانغ
اضيفي الفرينة والخميرة المغربلة على ثلاث دفعات مع الخلط
ديريها في مول خاص بالكعك فيه ورق الزبدة باش متلسقش ودخليها للفرن مسخن مسبقا درجة حرارة 175° مدة من 30 الى 35 دقيقة
وحذاري من فتح الفرن قبل مرور 25 دقيقة شوفيها قبل ماتخرجيه بادخال عود نتاع الشوا ادا خرج ناشف خرجيها
واقلبيها مباشرة على على وجهها فوق شباك واتركيها تبرد
من الاحسن تخليها تبات ليلة كاملة قبل التزيين



كريمة الزبدة السويسرية:
4بياض بيض+130غ سكر نديروهم في حمام مائي ونبقاو نخلطو بالسباتولا حتان يدوب السكر ومن بعد نضعهم في الخلاط الكهربائي الى ان يولي الخليط مورانغ ويبرق ولاز م يبرد تماما لانو ادا اضفتي الزبدة و الخليط سخون رايحة تدويلك الزبدة وتخسر الكريمة وننصحكم ديرو منشفة مبللة بالماء المثلج تحت الاناء لي تخلطو فيه باش يبرد المزيج منبعد اضيفي 230غ الزبدة باشوي يعني قطعة قطعة مع الخلط الجيد حتى تجمد الكريمة من بعد اضيفي 200غ سكر ارطب وخلطي جيدا
الزبدة تكوني خرجتيها ليلة من قبل من الثلاجة و البيض كذلك
وهدي الكريمة تقدرو تشكلوها كيما تحبو و ما دوبش في السخانة ماشي كيما كريم شانتيي
صراحة انا ملي جربتها استغنيت على كل الكريمات لانها عجبتني في التزيين تقعد شادة روحها

نسيت حاجة مقلتهالكمش هدي المقادير لي حطيتها ديرلكم طورطة صغيرة يعني مول قطره 18سم انا ضاعفت المقادير لانو المول تاعي قطره 26 سم
ادا وحدة غلطت و اضافت الزبدة و الخليط مزال دافئ ضيفولها 2 او 3 ملاعق مارغرين صول او لبال باش تخرجلها مليحة