للسلفين فقط 2

[مشكلتي]

السلام عليكم ورحمة الله وبركاته
نشكر كل من قرأ وتعاطف معي و متتغشوش مني أنا حددت السلفيين باه نيفيتي تقولولي الخدمة مافيها والو و الله أنا خدمت أستاذة في الجامعة تبدلت عقليتي الخدمة تبدل المرأة مع الوقت و أنا رجعت البنت المتخلقة مع قاعدة دينية حيث أصبحت أبحث عن حكم كل شيئ و تغيرت لم أعد أنزع حجابي أمام أهلي لم أعد أنزع حاجبي مهما أسمع من كلام أصبحت أصلي في الوقت و أقرأ القرآن شبه يومي و إقتنعت تماما أن المرأة عفتها في جلبابها و بيتها و وقتنا صعب جدا لازم تحافظ المرأة على ولادها بالدين حبيت نقلكم حياتي تغيرت كنت كأي طفلة متربية والناس كل يشوفوها عاقلة بصح الآن أصبحت متربية تربية دينية ماش تربية المجتمع
بالنسسبة لحكايتي سمع بابا من بنت عمي أنه خطيبي مخلنيش نخدم و هو معلبالوش بلي أنا تغيرت و قالي لازم يواجهني يقولي نخلاها تخدم قلت لأخوتي 2 و أختي إني أنا رافظة الخدمة و حابة نولي سلفية و هم أصلا ككل المجتمع ينظرون للسلفيين أنهم معقدون وووووو لم يتفهمو إطلاقا تغيري في الدين و يقولون لي أثر عليك و إنك لم تكوني هكذا و الدين ليس بالجلباب و وعلاه متكونيش كما البنات الكل تروحي للعراس و تخدمي و تعيشي حياتك و تصلي وتمارسي الدين قتلهم العراس لي فيهم الغناء حرام لأن الرسول ص قال أمتي تحل المعازف (لا أعرف الحديث ولكن هذا مفهومه ) و أن الشيطان تحدى الله بأن يصرف الإنسان عن العبادة حتى بصوت حركة الباب و العمل للمرأة إلا للظرورة و وفق شروط منها الحجاب الشرعي قالو لي لا وقت الرسول كانو يجاهدو النساء قتلهم نساء النبي لي هو قدوتنا مخدموش و ربي قال وقرن في بيوتكن ولا تبرجن تبرج الجاهلية الأولى قالو الحجاب لازم الطفلة تكون مستورة كما البنات الكل مش لازم جلباب قلتلهم ربي قال ياأيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما قالولي إحنا ميهمناش هاذو الحوايج تهمنا الخدمة ياخي حلال علاه متخدميش قتلهم الإختلاط قالولي الإختلاط مهوش حرام و كان النساء متخدمش شكون ليداويك كي تمرظي قتلهم مقلتش الخدمة حرام أنساو كلشيئ و أنا واحدة عادية قالها راجلها منحملش تخدمي و أنا قبلت نقعد في الدار قالولي باباك ميقبلش و يبطل نهار تزوجي بطلي الخدمة قلتلهم أنا مقتنعة أني منخدمش منجمش نبدل قناعتي قالولي راكي غالطة و إنت الخاسرة و إحنا نكرهو السلفيين و متديهش خير قلتلهم حتى كان منديهش نولي سلفية وعلاه تفسدو عليا قالولي الله غالب ياخي تمني بالمكتوب و في المقابل خطيبي قالي الرسول سقساوه قالهم المسلم ميكدبش و أنا كي يسقسيني باباك نقولو أنا منحبش مرتي تخدم
يا ناس واش هو الحل أنا في دارنا كان يبطلو من الخطبة ميخليونيش نكون سلفية أكيد و أنا زدت تأكدت أنهم ميعرفوش الدين قلت لبابا خطرة كنا مسافرين مصليتيش في الوقت عصر و مغرب (و أنا صليت) ظحك قالي وين راه المشكل كي نروح للدار نصلي و خاوتي واحد قتلو نحب نصلي في الوقت قالي راكي تافهة تقدري تصلي في أي وقت و الآخر قالي الخدمة متعطلكش عندها وقت كبير الصلاة كي تكملي الدرس صلي مالا الناس هاذو كفار و سلفيين هم المسلمين
أرجو أن تحسو بيا أهلي بعاد على الدين و أنا مخطوبة لسلفي وهذه الحياة لي حابتها واش ندير باه نتزوج بيه مرانيش حابة ندي واحد آخر أصلا أهلي ميمدونيش لسلفي آخر و بما أنهم يكرهو السلفيين يعني راح يخليوني نخسر ديني مع إنسان آخر عادي بما أنه لا يعرف الأحكام الدينية على هاذي أنا حاباتو هو بما أني مخطوبة ليه هذا هو الأمل الوحيد إدعيولي و أعطوني حل