الجزء163من كوزينة واش طيبتي اليوم ؟؟.؟؟؟.؟؟

[oum islem]

وهدي مقادير كيكة الفلان
3 حبات بيض بحرارة الغرفة نص كاس سكر وفاني ونضرب مليييييح بالباتور مع رشة الملح ونزيد نص كاس زيت شوية بشويةمع الخفق المستمر
نزيد كاس فرينة نقص منه 2 م ك فرينة ونعوضها بالنشاء و1 خميرة
ندهن القالب بالزبدة وفرينة وندخل لكيكة 180
بعدما طيب وتبرد ملييح ملييح نحط كيس فلان فراز مع نص لتر حليب و3 م ك نشاء ونخلط على النار حتى يغلي مليح
نفرغ كمية قليلة فوق الكيكة ونصبر عليها شوية تجمد ونفرغ الفلان الباقي باه تشربوش الكيكة لو تفرغوه على مرة الاسفنجة تبلعه
ونخليه يبرد ونزيد ندخله للثلاجة يبرد مليح ونزين بحبات فراز

للتزيين انا قطعت الفراز دوائر وعصرت عليهم برتقالة وكمية من السكروخليتهم شوية الدوائر زينت بيهم الكيكة والسيرو لي بقى زدت عليه شوية ماء حتى تحصلت على حوالي كاس فرغته في كاسرولة وزدت عليه كيس فلان فراز وحطيته على النار حتى الغليان
خليه يدفا شوية وفرغيه على دوائر الفراز ورجعيه للثلاجة يبرد ملييح

[url=https://up./][/url





للأمانة الوصفة من النت وعندي وصفة مصورة في قسم الوصفات المنقولة
وحوست عليها وما لقيتهاش
شكرا شكرا بزاف جازيا هكدا طلعتيلي لموراال لفوووق لفووق
والحمد لله لي عجبتك الوصفة وحتى الذوق ما نحكيلكش تخيلي التمر مع اللوز والعجين معسل فيه قرمشة على طراوة روووعة بصدق مش نزوخ عليك خخخ