غراتان بيري البطاطا باللحم المرحي
أولا تنقي البطاطا و تطيبيها فالما و الملح و كي تطيب صفيها و ضيفيلها طرف زبدة ولا مارغرين و الفرماج مثلثات انا ندير لافاش كي ري و مرات ندير تاع المربعات كيري و ضيفي شويييية حليب مشي بزاف و ما تجريهاش ،، امرسيها بالأداة اليدوية و من بعد زيدي ضربيها بالباتور مليييح حتى تولي ملساء ،، ضيفي حبة بيض و كملي التضراب حتى تتجانس مليح ،، و من جهة أخرى تكوني وجدتي الحشو لي هو لحم مرحي او كفتة طيبيها في شوييية زيت و تبليها بالملح و الفلفل و بسسسسس بدون أي إضافات أخرى و قلبي باستمرار على نار هادية حتى تطيب مليح
جيبي الطبق الزجاجي تاع الفرن و ادهنيه مليح بالزبدة و فرشي نصف كمية البطاطا و سقميها بالسباتيل ولا الملعقة باش يكون عندها نفس المستوى و زيدي فوقها الحشو ،، و من بعد زيدي النصف لي بقى تاع البطاطا ،، لي عندها لا بوش آدوي تستعملها باش يجي الشكل شباب و دخليها لفرن مسخن من قبل غي قيس ما يطيب البيض لي فيها و من بعد ديري عليها كمية وفييييرة تاع فرماج رابي انا ندير rapidou رااااائع لكل أنواع الغراتان و البيتزا ،، و طبعا تنجمي ما تديريهش ،، كي يدوب الفرماج مليح خرجيها مالفرن و خليها حوالي 10 دقايق باش تشد روحها شوية و قطعيها و قدميها بألف صحة و عافية
( تقرير عن مشاركة سيئة )، و الموجودة أسفل كل مشاركة .
2016-04-20, 11:07
العرض الشجري