والله احترت ساعدوني

[سلمى_2008]

السلام عليكم ورحمة الله وبركاته اريد ان استفسر في بعض الامور الشائكة وارجو منكم المساعدة بارك الله فيكم
خدمت لمدة عامين في اطار الاستخلاف في المتوسط وفي كلا العامين كانت مدة كبيرة الاولى سبع اشهر والثانية خمسة اشهر عطلة مرضية هل يقبلوهملي كخبرة ولا يقبلو غير تاع المتعاقدين
والثاني طلبو شهادة اقامة ولا بطاقة اقامة في ولاية باتنة لاني مزوجة في باتنة حديثا وقالولي لازملك اقامة ستة اشهر باش نقدرو نمدولك شهادة نمدولك ضرك غير البطاقة
والثالث معلبالكمش معايير التنقيط كيفاه راح تكون هاذ العام لانو كي طلبت حتى كشوف النقاط يعني راح تمد نقطة على المعدلات صح انا معدلي كبييير في الماستر راني طامعة نشارك في الليسي على الاقل نضمن ولو القليل لانوا معدلي تاع ليسانس قليل 12فقط لانو كنت نقرى غير باش نباسي مكانش علبالي بلي الخدمة بالمعدلات وكي عرفت صلاحي وليت نقرى باش نجيب المعدل واذا موش راح تحسبهم نشارك في المتوسط وخلاص بشاهدة ليسانس واش تقتارحو علياااا والله راني في حيرة معرفتش ابتدائي الي جمعت فيه كامل الاختصاصات ولا المتوسط بما اني عندي خبرة شوية عليه ولا الثانوي لانو معدلي تاع الماستر كبير ياخي دارتو كتابي وعلاه تحسب في كشوف النقاط عدنا لانبالي بالمستوى من المفروض نسقسي روحي رايحا نقدر ندرس تلاميذ الثانوية رايحة نقدر ندرس تلاميذ الابتدائي..... معدتش نبالي بالشيء هذا ربي يسمحلنا وخلاص اذا قصرنا ممباعد هذا اذا حظينا بالنجاح