خبز الدار بدون عجن و ساهل و بنين

[حياة مليزي]

خبز دار بدون ما نعجن وصفة رائعة
المقادير
كيلو فرينة + 2 بياض بيض + ربع كاس زيت + 2 مغارف كبار خميرة فورية + فنجال قهوة سكر + ملح + كمية من حليب دافىء+ كمية من الماء دافىء + قشور القاصر ( الليمون) او البرتقال + جلجلان او سانوج
التحضير
نضع في اناء كبير كيلو فرينة و نضيف السكر و الخمير و زيت و 2 بياض بيض و قشور القاصر او قشور البرتقال و نخلط كمية الحليب و كمية الماء و نخلط جيد ثم نضيف الملح و اذا شفتي خصك حليب و ماء زيدي حسب الفرينة لي عندك حتى تتحصلين على عجينة نوعن ما سائلة لازم تكون تلصق في يدك ثم تضعي العجينة في اناء تكوني دهنتيه بشوية زيت و تخليها تخمر وعندما تخمر تزيد ي دخلي يدك في العجينة و تهبطيها و من بعد تخليها تعاود تخمر مرة اخرى كي تخمر مرة الثانية جيبي المول نتاع الكوشة ادهنيه بشوية زيت و ذرذري شوية فرينة و قسمي العجينة الى قسمين راهي تجيك في زوج مولات نتاع الكوشة من بعد جيبي صفار بيض + قهوة و خلطيهم مليح و دهني الخبز و ذرذري عليه سانوج او جلاجلان كيما حبيتي و خليه يخمر من بعد دريه يطيب في الكوشة راهو يجي بنين ان شاء الله تكونو فهمتوني .