بـــــوراك بطريــــقة صحيــــة و بنــــــينة

[سيرين 5]

البــــــوراك قولولي شكون ما تحبش البوراك ؟ أنا نموت عليه و ما نقدرش نستغنى عليه و خاصة في رمضان
علاه نحرم روحي من الأكل البنين نعرف برك كيفاش نطيبو ؟؟؟

1- في مقلاة رابي بصلة + ملح + فلفل أسود + م ك زيت زيتون و نقليه على نار قليلة



2- زيدي حطي الداند آشي + المعدنوس و الثوم و نقليوه



3- كي يتقلى خليه يبرد شويا و ضيفيلو 2 علب ياوورت طبيعي (بدل لاكرام فراش) + كمشة زيتون مغلي مرتين (باش نحولو الملح)



4- و نخلط مليح المكونات لازم تجيك لافاغس مشمخة بالياوورت على حساب الكمية لي عندك حطي الياوورت الطبيعي



5- و نرولي البوراك تاعي كالمعتاد أنا استعملت جبن تيب توب لي صورتهولكم من قبل



6- ندهن المول تاعي يشويــــا زيت فقط و نستف حبات البوراك و نزيد ندهنهم شويا فقط من الزيت و إلى الفرن



7- حتى يتحمـــــــرو مليح هاذ الزوج حبات لي فوقهم زيتونات تاعي بجبن تيب توب ما تحمروش مليح بصح كليتهم هكذاك لأني مزروبة جيعانة هههههه



8- و قدميهم بالصــــــــــــحة و الراحــــــــــة