شربة المرمــــــز بنيـــنة و صحية في البرد

[سيرين 5]

شربة المرمز تعوض شربة الفريك صحية و بنينة خاصة للمرضعات تجيب الحليب أنا طيبتهالي يما كي كنت نرضع يعطيها الصحة بزاف بنينة دارتهالي بالغنمي ، لكن أنا طيبتها بالدجاج و لي تحب طيبها بالهبرة تاع البقري تان تجي بنينة

1- في كوكطة رابي بصلة + دجاج + ملح + فلفل أسود + قصبر مرحي + راس الحانوت + فلفل دريس + عكري + م ك زيت زيتون و قليهم على نار قليلة (يمكن إضافة شويا فقط من الماء باش ما يلصقش البصل)



2- زيدي حطي طماطم رابي + ثوم + حبة حار للبنة مممم + م ك طماطم مصبرة



3- كي تتقلى الطماطم مرقي و كي تغلى حطي 4 م ك مرمز بعد ما تشلليه و غلقي الكوكوطة و خليها طيب 45د (أنا استعملت الكوكوطة لقلة الوقت صايمة و جيعانة هههه و لي عندها الوقت و قدرة تاع الطين طيب فيها أحسن)



4- و كي طيب حطيلها كمشة حشيش شربة



5- و قدميها بالصحة و الراحة



6- أنا كليتها بقطعة تاع كسرة الشعير ممممم بنينة و صحية



7- و هاوليك فطورنا و عشانا و الحمد لله ربي يدومها نعمة علينا



ترقبــــو المزيد و المزيــــــــــــــــد من الوصفات الصحية و الشهية في نفس الوقت