قاطو وردة مارغريت بجوز الهند

[(( هبة الرحمن ))]

هذه الحلوى من المفروض الشكل يكون وردة ، لكن الوردة مزعجة في التزيين ) الحواف يغبنو + العجين مايكملش .

أنا قطعتها مربعات

مر

هذا الشكل من الداخل 3 طبقات

المقادير :

500غرام زبدة طرية ، كأس عادي ( تع المشروبات ) زيت ، كأس سكر رطب ،2 صفار بيض ، 1 خميرة كيميائية ، ملعقة صغيرة لفاني ، 1 كلغ فرينة ( وممن تحتاجي اكثر )، الوصفة الجقيقية فيها كأس مايزينة يصح جي طرية بزاف وتتكسر في التزيين لذلك أنا ننصح تستغاو عليها ،.مربى

كريمة الزبدة:

250 غرام زبدة نصف كأس عسل ، نصف كأس سكر رطب + لفاني

نخلط الزبدة مع الزيت ثم نضيف السكر ولفاني نخلط مليح ونضيف 2 صفار بيض ثم الفرينة مع الخميرة حتى نتحصل على عجين طرية، نحلها عادي ونقطع مربعات ونطيبها ،

في هذا الوقت نحط 250غرام جوز الهند + ملعقتين كاكاو في مقلاة ضعيها على نار هادئة وحمصيه حتى يتغير لون الخليط ( راح تشمي رائحة جوز الهند كي يتحمص تعرفي بلي نضج )

حضري كريمة الزبدة من قبل بالخلاط الكهربائي تجمعي المكونات فقط إذا كنت تحبي ذوق الشكولاطة تقدري ذوبي شوية وضفيها للكريمة .

لصقي الحلوة وحدة فوق وحدة بكريمة الزبدة ، ( اسهل ظريقة بالنسبة لي كنت نحط بصبعي ونمسح كل القطع ونلصق جيك ساهلة وتكملي بلخف )

ثم خذي المربى حطيه فوق النار وزيدله شوية شاربات ( ماء وسكر ) حتى يكون خفيف شوية ، بالبانسو تدهني الحبة من كل الجهات ، فوق تحت والجانبين وترمديها مليح بيدك في جوز الهند .

جربوها لذيذة جدا

-

-

مــــــــــلاحـــــــــــــــــظـــــــة :

اللي تحب تغير اللون والذوق كذلك مثلا تستعمل جوز الهند وردي وكريمة الزبدة بطعم الفراز وتلونها ،

أو لون جوز الهنذ أخضر بيستاش وكريمة الزبدة تحطلها ملون غذائي .