خطيبي يكذب عليا

[مشكلتي]

السلام عليكم
الموضوع ال العنوان باين
مشكلة كذب
خطيبي يا خاوتي يكذب بصفة غريبة و مع انو كذبو ما يضر ختى واحد بصح و الله حرت فيه
في كلش يكذب و نفيق بيه و ما نقلوش حتى ليغلط بالحقيقة وحدو ديما نتجنب نحشمو في الموضوع هدا حتى انو وعدنى ما يعاودهاش لكــــــــــــــــــــــــــــــــــــــــــــــــ ـــــــــــــــــــن يعاودها و يكذب و حتى في امور تافهة باه يرضيني برك و نفيق ليه و نقولوا و لا حياة لمن تنادي
تخيلو مرة قررت ننفصل عليه و كان عندو شوي مشاكل مع الوالدة تاعوا علابالكم قلي بلي يماه توفاة و عيشني في تمثيلية كبيرة هدا كامل باه ما نخليهش و ووو ........
و الله تعبت معاه انا و الله ما نكذب عليه في حاجة و نقولو غير الصراحة باسكو متاكدة يجي نهار و يفيق و هو

تعبت معاه و من الكذب تاعو و تعبت من الصبر عليه و الله وش ندير و كيفاه نتصرف معاه
هو يحبني بصح يكذب عليا بزاااف و المشكل ديما علابالي بالكذبة و نفيق بيها
انصحوني و قولولي و علاه يدير كيما هك