شرطنا الوحيد "الهنا"

[nihal159]

لي يشرط لهنا مش معناه أنو مش راح يشرط دراهم؛ كي يشرط لهنا معناه راه يقولو بطريقة غير مباشرة أتهلا في الطفلة؛ ساعفها و ما تقلقهاش؛ و زيد مافهمتش معشر الرجال واش قلقهم في الشرط؟؟ ياك الطفلة مسكينة تشري به لفراش و لي بونكات و الصالون باش تعمرلك دارك يعني الدراهم راجعين للراجل في الأخير، و غالبا تزيد الطفلة من عندها الدراهم باش تكمل؛ ياخوتي حنا مادابينا مانشرطوش ولكن في المقابل ماتسألوناش هذاك السؤال الإستفزازي: واش جبتي في الشورة؟؟؟؟؟؟ نجيب غير فاليزتي تاع قشي و نجي و أنت دبّر راسك عمّر دارك.