ﻟﻮ ﺧﻴﺮﻭﻙِ ﺇﻣﺎ ﺃﻥ ﻳﻤﻮﺕ ﺯﻭﺟﻚ ﺃﻭ ﻳﺘﺰﻭﺝ ﻋﻠﻴك

[فراشات العمر]

السلام عليكم
قرءت الموضوع وعيوني تسيل من الدمع من كثرة الضحك
يقولو النساء ناقصات عقل ودين بصح الرجال مافيهمش لامان اكل ''الرجالة نتاع الصح ماتو'' نقلولها ونعاودها
كيما حقر الاولى تتخلف في بنتو باه يحس نهار تجي تبكيلو يعيشني كيما يعيشو الناس ومن بعد يخمم
انا شخصيا هذا هو شرطي الوحيد لما يبغي يتزوج يخبرني ويطلقني وراني محرمة عليه عند ربي ويتزوج باربعة اذا حب علاه ''ربي لما ذكر التعدد ذكر بعدها العدل ولن تعدلو ''هكذا واحدة ماتغير منالاخرى
لانو لما يجيب امرءة رايحة نعاند ونعصيه واحتمال نسبو ونكرهو ويتحكم الوسواس ونحس بالنقص ونندم بالشيئ ل ضحيت على جالو وهو ما يرضاش عليا وكي نموت ندخل للنار يعني متطفرة فيا
الراجل لي يحب يتزوج مرتو ما تولدش او ناقصة من حجة عمياء او صماء يعني بها عيب
وزيد كيما قالت الاخت لي يتزوج بيهم يخدملي الدار ويوكل ويشرب ويكسي انا وولادو
بصح نتمنى الموت الا اذا كان كافر ومشرك او مرتد اما بما انه يشهد بان لا اله الا الله ربي يعينو على فعل الخير
هو صح الراجل لما يتزوج ماشي غرضو باه يبهدل الاولى بصح الزوجة الثانية هي لي تبهدل بالاولى
المهم لي يبغي يتزوج بصحتو بصح يوجد حساب لربي كان متهني بواحدة برك يجيب زوج ويكثرو عليه الاسئلة هههههه