الرجاء الدخول

[~أميرة أميري~]

السلام عليكم ورحمة الله
خاوتي خياتي راح ندخل للموضوع ونترجاكم عاونوني لانو العائلة راح تضيع ماراناش فاهمين واش راه صاري
اول شي عندها مدة 20 يوم هكداك اختي عندها 25 سنة في الليل كنا كامل راقدين وحدها ناضت تبكي وتصرخ بصوت عالي وماكانتش تشوف فينا كانت تشوف للسما وتصرخ ونفسها منقطع جا بابا قرالها شوي وبدون فائدة بقات هكداك حتان رجعت لوعيها وقالتنا مارانيش متذكرة وواش راكم تهدرو انا مادرتش هكدا المهم جوزناها خلعة ربي عالم
وعندها وحد اليومين اخي عندو 17 سنة صرالو نفس الشي ولا يضبح ويقول راهو جاي يجيف فيا ويبكي ومش قادر يتنفس ووجهو زراق وحتى رجليه ويديه زراقو والله متنا بالخلعة وكي زل عليه ورجع عادي كي ناض يمشي ناض عوج من رجليه كااامل شحال وحنا معاه باه رجع يمشي عادي والله مافهمنا واش راه صاري
وعندنا وحد الشهر العائلة في صمت تاااام الضحكة وماكانش في الدار كل واحد في جيهة ويخمم حتى الضياف كي يجو لينا يكرهو ويهربو يمى راهي في حالة ومقلقة
حتى بابا ماراهوش يهدر معانا ولا كأنو اولادو ويمى يعاملها بطريقة بشعة مايقيمهاش ودايرها خدامة ومايهدرش معاها والله رانا في حالة وماعرفناش واش راه صاري للعائلة
مع العلم انو كل مانوض صباح نجي نقضي شغل الدار ندير قرآن في الميكرو ولا التلفاز ونزيد للصوت ونخليه نقول باش كاش حاجة في الدار تروح
ولكن بلا فائدة رانا خايفين نبقاو على هاد الحال وكل مرة واحد من خاوتي يطيح ويمى راح تموت غير من الخلعة
واش هو لحل وزعما كاين كاش سحر في الدار ؟؟؟؟؟ لانو كنا نضلو نلعبو ونضحكو وبابا يحكي مع يمى عااادي واش راه صاري
ومن يوم ماجات وحد المرأة تخدم مع بابا كلشي تبدل حتى الضحكة غابت من الدار رانا خايفين كاش مادارتنا
وزيد بابا كي يخرج من الدار ولا خاوتي يرجعو لاباس بيهم يضحكو ويقسرو هما يدخلو للدار ويرجعو ناس وحدوخرين نظلو غير مع المشاكل ونديب
كرهت راني حابة حل واش نقدر ندير باش نرجع الضحكة للدار وليمى واش ندير راح نتزوج عن قريب وراني خايفة نخلي يمى وحدها يقتلها غير تخمام ومعاملة بابا ليها
اسمحولي طولت عليكم وماعرفتش وين نحط لمشكل هدا قلت راح تعاونوني هنا اكيد
بجاه ربي عاونوني عائلتي راهي تضيع