ألذ وأسهل حلوى يمكن تذوقها بالتفصيل والصور

[محبة رسول الله]

السلام عليكم ورحمة الله وبركاته
واش راكم اخواتي نتمنى كاااااااااااااامل تكونو بخير وبصحة وعافية
اليوم جبتلكم قاطو سهل جداااااااااا وبنين تاني ميطيبش وزاكي تاني
يعني اسهل واسرع منو ماكااااااااااااااانش
مانيش عارفة الوصفة الا حطتها اخت من قبل لا أعلم لكني كي ذقتو عند صديقتي قلت نجربو لان طعمو صدقوني رائع
بمقادير بسيطة وسهلة تصنعي ألذ حلوى
علابالي هدرت ياسر هههههههههههههه نخليكم مع المقادير والطريقة بالتفصيل مع الصور
المقادير:
نصف كيلو كاوكاو مقلي ومرحي
[IMG][/IMG]
علبة نيستلي كاراميل طايب تشريه طايب كاراميل مش ني
[IMG][/IMG]
شيكولا سوداء من الافضل تكون فيجيكاو تعطيك نتيجة روعة
[IMG][/IMG]
مول سيليكون من الاحسن يكونو حباتو صغار كل ماكانو اصغر كل ما تجيك النتيجة احسن ويزكالك أكتر
الطريقة موضحة في الصور
نبداو نذوبو الشيكولا في حمام مائي بدون اي اضافات مانزيدلها والو
نحضرو الخشو :
نخلط الكاوكاو مع النيسلي
[IMG][/IMG]

هكا يصبح بعد الخلط
[IMG][/IMG]
مبعدا نجيب المول والشيكولا ونبدا بوضع الشيكولا في مول السيليكون بصح منكثرش يعني ملعقة صغيرة ونغطي كل القالب بالشيكولا كيما في الصورة باه كي تجمد يتكون القالب
[IMG][/IMG]
نحاولو نضغطو على الوردات بالاصابع باه يتغطاو كامل بالشيكولا ومتكثروش الشيكولا
[IMG][/IMG]

نغطيها ونحطها في الثلاجة مش المجمد تحكم روحها ممبعد نخرجها باه نحشيها
[IMG][/IMG]

بعد ما نحشيها نزيد نغطي الحشو بالشيكولا قد القالب ونرجعها للثلاجة حتان تحكم روحها
وبعدها ضعيها ف لي كيسات

[IMG][/IMG]
استخدمو المول لي تحبوه ولا متوفر عندكم لكن المهم يكونو حباتو صغار

صدقوني تبانلكم هاد الحلوى بسيطة بصح البنة خياااااااال وتسلك وقت لي يجوك ضياف ومايكونش عندك الوقت وزاكية تاني
نتمنى تجربوها وتذوقوها لانها فعلا بنينة وما يتشبعش منها صدقوني
لكم مني احلى التحايا أحبكم في الله