النت حطم زواجي

[anfal10]

لي دارها بيديه احلها بسنانوا يا خويا انت لي ظلمت الزوجة ديالك لي صاينة عرظك لوكان هي لي اكشفتها في الفيس بوك مع راجل تقوم القيامة و نشهر بيها للفاميلا تاعها و تقول بنتكم ماشي متربية او ما تستهلش تقعد عندي دقيقة واحدة كي انت السبة امالا تحمل المسؤولية انا نقولك ربي يهديك او يصلح حالك لوكان الطفلة تاع الفايس بوك مادارتلكش بروبلام لوكان كملت نورمال في الحكاية هادي مي رجال يجبدوا روحهم كيما احبوا اقولوا سيليباتار او هوما مزوجين انا اختي زعما عرفت واحد حاب يتزوج قاللها مطلق في الاخر كشفاتوا بلي مزوج او عندوا الدراري عايش حياتوا نورمال الرجال انانيين احبوا روحهم بزاف مي ختي جايحة او نية ما دارتلوا والوا خلاتوا اكمل احياتوا مع مرتوا او قاتلو ربي اسهل عليك مي انا نقول هاد الجور لازم يعطوهم طريحة باش يندعروا انا مع هادي الطفلة نستعرف بيها فحلة كما تدين تدان سورموا وعدها بالزواج الرجال يكدبوا ماشي كامل حاشة مي الاغلبية
دوكا احصد واش زرعت انا ما نتمنا لحتا امرة تطلق و لا راجل صعيب الحال مي كي تحس لمرا بالذل و الاهانة تما تخلي كولش من جال الكرامة تاعها راني ماشي متزوجة مي نحس بالمراة كي تتقاس المراة حساسة بزاف
سقم روحك ما قبل ما تخمم على الطلاق و لا الخلع تما ربي اعاونك اذا راهوا حاب الا مرتك مليحة انا نقولك دير المستحيل باش ترجعها ادا قبلت و الا خلاص كرهاتك ما عندك ما ادير اديها درس في حياتك الجاية