شخشوخة الظفر
في كوكوط قلي اللحم تاعك مع مغرف كبيرة راس الحانوت وفلفل اسود ومغرف صغيرة كسبر وحبة طماطم حمرا وطرية وراس بصلة وسنينات ثوم حسب الكمية لي راح طيبيها ومغرف صغيرة هريسة اختيارية وزوج مغارف زيت والملح طبعا قلي مليح وضيفي الطماطم الكونسارف حسب الكمية تاع المرقة وحطي الحمص تاعك ومرقي مالازمش بزاف هي تحب الخثارة واغلقي الكوكوط حتان يطيب الحمص واللحم وزيدي طيبي الخضرة تاعك انا نحبها باابطاطا واللفت مممم واغلقي 5 دقايق غير طيب الخضرة كي تجي طفي على المرقة لوحي زوج فلفلات حارين وطفي راهم على اللخر يمدو واحد البنة مممممم
من جهة سمغي شخشوخة الظفر تاعك بالزيت وحطيها تفور وانت في البرمة حطي البيض يتغلى عصفورين بحجر واحد فوري التفويرة الاولى عادي كي تنحيها بليها بشوي مرقة مصفية حوالي نص كاس وخليها تتشرب المرقة مليح ومبعد زيدي سمغيها بالزيت وحطيها تفور وزيدي عاودي نفس الحكاية للمرة الثانية كي تنحيها المرة الثانية ملحيها ورديها تفور بلا الماء وبلا الزيت تشرب الملح مع التفوار
صفي المرقة تاعك وحطي الشخشوخة تتجمر مالازمش تكون المرقة بزاف راهي تتلكع وتلصق في بعضاها وتفسد جمريها وكي طفي عليها لوحي مغرف زبدة ستار على اللخر وخلطي وبس
في التقديم عندك البيض المغلي والخضرة حمريها في شوي زيت واللحم احرقيه كيما انا خخخخخ نتمسخر يا خيبتي ههههههه وبالصحة ولهنا حنووونة
كاش استفسار مع الصباح تلقايني garde a vous هههههه
( تقرير عن مشاركة سيئة )، و الموجودة أسفل كل مشاركة .
2015-12-10, 22:24
العرض الشجري