اروع بغرير كليتو خفيف خفيف خفيف

[ام محمد اسلام الله]

السلام عليكم يالغاليات عل قلبي موضوع اليوم بغرير وشكون فينا ميحبش البغرير
جربت شحال من وصفة بصح ديما كنت نحوس على الوصفة المثالية
هي سهلة وبسيطة ونتحدكم اذا كليتو اخف من هذا البغرير
لتوضيح اذا حبيتوه رقيق طيبو في مقلة واسعة ولا طاجين واذا حبيته مبطبط ديروه في مقلة ضيقة شوية المهم في كلتا الحالتين راه يجي خفيف وميتشبعش
انا من كثرت لي راني انديرو واليت معروفة عند العائلة بمدام بغريرة
المقادير
اربع كؤؤس سميد رقيق
ملعقة كبيرة خل
ملعقة كبيرة سكر
ملعقة كبيرة خميرة خبز وملعقة صغيرة ملح
وزوج شكارات خميرة كيمائية
الماء انا ادتلي خمس كوؤس ونصف ماء وانتوما شوفو على حسابنوعية السميد
الطريقة سهلة خلطو جميع المكونات ماعد خميرة الحلوى
وزيدو الماء وميكسوها مليح مليح من بعد زيدو خميرة الحلوى وميكسو خاطرة وخلاص شفتو شحال ساهل واقتصادي هههه
خلوه يخمر ربع ساعة وابدو اطيبو متفوتوالوش ربع ساعة وبصحتكم
امممممممممممممممممممم
والله ميتشبع
احبابي دعوة منكم في ظهر الغيب ولكم بالمثل اخواتي









راني نسنى في تطبيقتكم