***قويط +سارية ستيل قفطان***

[ام حمزة22]

المشاركة الأصلية كتبت بواسطة سدر المنتهى

يعطيك الصحة ام حمزة ربي يحفظلك هذوك اليدين
هاذي الطريقة كنت حابة نتعلمها مبتدئة اني نفصل على قندورة جاهزة
ممكن تفيديني اكثر اختي تعيشي

يعني كيفاش طبقي القماش و شحال تقيسي تخلي قيمة الكفة وووو
يعني المراحل الاولى فقط

واجرك على الله

الله يسلمك ختيتي اسعدني مرورك
شوفي حبيبتي القندورة لي تفصلي عليها لازم تكون محدد مليح نطوي الصدر على 2 والقماش نطويه على 2 ونحطها فوق القماش نشدها بالمساسك من جنيح النواحي الا المونس ما نديرلوش المساسك باش يسهل علينا نفصل دائرة الونش وهاد الاخيرة هي لي لازملها شوية اهتمام انا نستعمل المساسيك اوفقيا على داءرة الكم من بعد نطراسي بالقلم او طبشور الخياطة نطراسي دائرة الكم راح تسهل علينا الامور وما ننساش نخلي قيس الخياطة جهت دائرة الكم سنتمتر واحد او واحد ونصف وفي الكتف 2سم وفي الجوانب من 2 سم الى 2ونصف

اما في ما يخص تطبيق القماش الا كنتي حلبة تفصلي قفطان او قندورة مفتوحة من الامام تطوي القماش على 2 الوجه للوجة مثل ماراه مبين فالصورة يعني الا كان عندك 2مترات ونصف قماش اطويهم على 2 يعني عرض القماش اطويه على 2
واما الا كنتي خابة تخيطي فستان او قندورة ما فيهاش خياطة في الوسط اطوي القماش من جهة الا نصف عرض القماش ومن جهة تانية كدالك الا نصف القماش باش ما تكونش عندنا
الخياطة في الوسط
ان شاء الله قدرت نفيدك بهاد المعلومات حبيبتي وراح نكملك الشرح بالورق باش توصلك الفكرة مليح
تحياتي الحارة