***خفاف من مطبخي***

[ام حمزة22]

السلام عليكم ورحمة الله تعالى وبركاته

ان شاء الله تكونوا كامل واهلكم باف خير


اليوم حبيت نقدملكم طريقتي في تحضير الخفاف (سفنج)

طريقتي هي كالتالي
نحتاج الى سميد رطب نضيفلو ربع الكمية فرينة نضيف الملح نشمخو ونخليه يرتاع
بعد ما رتاح نعجنو ربع ساعة وباش يسهلي طريقة العجن نقسم كمية العجينة الى قسمين مهنا كانت الكمية حتى ولو كانت قليلة نعجن قسم ونهلي القسم الاهر يرتاح ثم نعود للقس الاول وهكجا ختى يتعجن مليه ونشوف ونسمع الفقعات لي تخرج منو
بعد ما نعرك مليح نخلط القسمين مع بعض ونحضر خميرة الخبز في كاس ملئ وهداك الماء نشمخ بيه العجينة بعد ما تطرا الا شفناها تخص الماء نضيفله
نخبيها تخمر
بعد ما تخمر نسخن المقلاة مليح وناخد القليل من العحينة وتحلها بين يدي او في تبسي
نحطا فالمقلة ونبجا نكب عليها زيت سخونة حتى تتنفخ وتحنار
نقلبها ونضيف عليها زيت سخونة حتى تحمار مليح ونحيها من المقلة
وبصحة والهناء

تقبلو تحياتي الحارة








[